千両 (圍方)

营业中

休息中

一直都未有机会去大围新商场，今晚去睇戏就顺便食埋饭。商场连接港铁站，好方便。 围方入面嘅千両寿司同其他分店一样，整体感觉都可以维持水准。另外，而家港人消费习惯改变，等位不再。 佢哋嘅串烧四点盛非常精致，每一款串烧都烧得恰到好处，肉质鲜嫩多汁，美中不足系牛舌嘅厚度有少少尴尬，薄切唔系，厚切又唔系咁。 海胆吞拿鱼腩手卷同炙烧和牛手卷都好精致。海胆同吞拿鱼腩互相搭配，相得益彰。炙烧和牛油香四溢，肉味香浓。 去千両梗系要叫寿司，今次叫左十点寿司，每一件寿司都各有特色。个人口味偏好虾同白身鱼。 真鲷刺身鲜甜爽口。 日本生蚝比较啖口，不过都清新爽甜。