Briketenia

营业中

休息中

北角有好多嘅餐厅选择，如果想食法国菜，可以嚟北角汇嘅briketenia，晚餐set包左前菜、主茶同饮品。去到餐厅见到原来窗口位系望到维港景色，如果想留个靓位下次要早啲预约定。落单之后，店员就送上餐包，温度够哂热辣辣，外层少脆，入面又软熟，仲有自家制蛋黄酱可以搽上块包食。法式鹅肝焦糖炖蛋配田园沙律🌟将鹅肝混合埋系炖蛋入面，配搭埋多士一齐食脆卜卜又唔会腻，炖蛋食落甜甜地又好顺滑。芦笋汤🌟芦笋打碎得均匀，喝起来冇哂碎粒，但有香浓嘅芦笋味，清新健康嘅素食之选。油封法国鸭腿配新薯，红莓汁 🌟鸭腿肉好软稔，好轻易就可以切开，出面层皮煎到颜色金黄，脆得黎又香口，食落充满鸭肉嘅油脂香，就咁味道已好足够，钟意食甜嘅仲可以试下沾旁边嘅红莓酱。香烤肉眼扒配薯蓉及小甘笋 🌟朋友钟意食软稔嘅牛扒，所以拣左五成熟嘅肉眼扒，生熟做得好好，用左少少盐调味，一定要试埋沾芥末酱，少少辛辣更加开胃。旁边仲有好多烤熟嘅配菜，包括芦笋、灯笼椒、香菇等，食落香口又好味。到最后餐饮拣埋柠水同柠茶，食饱消滞。