南海二號

营业中

休息中

想不到要改几次时间至约到呢餐饭，朋友好介绍，谂住系尖沙咀南海一号，不过呢间系南海二号。上到嚟环境优雅，门口就放咗只船，特别嘅中餐装修有个酒吧。除咗无敌维港海景，今次差啲可以睇埋怡和礼炮。讲返点心想食几款，无跟套餐个贵妃饭。先嚟笋尖鲜虾饺、带子烧卖皇，烧卖来者不拒，朋友戒虾我食埋。花胶竹笙灌汤饺足料，够热好味道。怕唔够饱叫咗酥皮焗菠萝叉烧包、杂菌荔芋酥、蜜汁叉烧肠粉，感觉中规中矩。斑肉鱼汤西施粉出色，分碗上份量啱啱好。同朋友一齐试埋甜品，蝶豆花冰凉粉唔好食都好睇，杨枝甘露丸子正常，我点咗冰花蛋球就等咗好耐，不过无投诉。后记小插曲，上西施粉期间跌筷子，识睇朋友脸色一沉，半情急打圆场问佢：「黑褛、蓝色、黑白间条上衣同紫色制服嘅职员咁多有咩唔同？」佢答分别系经理、主任、部长同传菜员咁话㖞。最后，大家如果有需要记得问职员要湿纸巾，佢俾咗一包我哋。仲要提佢用虾片茗茶感觉几好，够茶味，虾片无乜油嘅，好开心增见识