影片
更多
2021-04-24
3445 浏览
餐厅：Zeng (铜锣湾)地址：铜锣湾登龙街18号V Point 30楼出完5年大学生涯最长嘅一个实习，考完晒试，连见工面试都搞掂埋✅，终于可以去食餐好嘅享受吓🥰嚟到铜锣湾V Point 30楼嘅Zeng叹咗个超丰富午餐，叫咗个Zeng’s signature seafood collections(promotional price $528)再加多咗$158要埋个Free flow oysters🦪，配埋落地大玻璃望住维港美景🏙，系咪听见都好想食埋一份呢🤪呢个collections分别有：✝️Acipenser Baerii Cavier (10g)西伯利亚鲟鱼子酱被称为「黑色黄金」嘅西方三大珍味之一，营养价值丰富。入口质地细腻，用口压爆一粒粒饱满嘅鱼子，极鲜美嘅汁液喺逐一爆开，隐约带住新鲜嘅盐味同海水味🌊，回味甘甜，配埋干葱、蛋白、蛋黄、饼干一齐食，简直绝配🤤，餐厅用冰盛载鱼子酱保持新鲜，亦用咗非金属嘅匙羹去减少鱼子酱氧化嘅机会，非常体贴👍✝️Assorted Seafood Platter 呢个海鲜拼盘有用咗三文鱼子同柚子醋调味嘅新鲜生蚝四只🦪、腌制过而且剥咗壳嘅熟虾四只🦐、非常腍
地址：铜锣湾登龙街18号V Point 30楼
出完5年大学生涯最长嘅一个实习，考完晒试，连见工面试都搞掂埋✅，终于可以去食餐好嘅享受吓🥰
嚟到铜锣湾V Point 30楼嘅Zeng叹咗个超丰富午餐，叫咗个Zeng’s signature seafood collections(promotional price $528)再加多咗$158要埋个Free flow oysters🦪，配埋落地大玻璃望住维港美景🏙，系咪听见都好想食埋一份呢🤪
呢个collections分别有：
✝️Acipenser Baerii Cavier (10g)西伯利亚鲟鱼子酱被称为「黑色黄金」嘅西方三大珍味之一，营养价值丰富。入口质地细腻，用口压爆一粒粒饱满嘅鱼子，极鲜美嘅汁液喺逐一爆开，隐约带住新鲜嘅盐味同海水味🌊，回味甘甜，配埋干葱、蛋白、蛋黄、饼干一齐食，简直绝配🤤，餐厅用冰盛载鱼子酱保持新鲜，亦用咗非金属嘅匙羹去减少鱼子酱氧化嘅机会，非常体贴👍
✝️Assorted Seafood Platter
呢个海鲜拼盘有用咗三文鱼子同柚子醋调味嘅新鲜生蚝四只🦪、腌制过而且剥咗壳嘅熟虾四只🦐、非常腍而且清甜嘅清酒鲍鱼两只，同埋用wasabi腌腌过嘅新鲜海螺肉🐚。食过咁多自助餐/海鲜餐，真系从来未食过咁新鲜嘅海鲜👏
✝️Cold Served Lobster Salad, Yuzu Dressing
半只爽口饱满嘅波士顿龙虾🦞，配埋牛油果切片🥑同埋柚子汁沙律🥗，简单而美味，所用嘅碟仲好精美🤩
✝️Mentaiko Spaghetti Carbonara
将明太子酱同自家酱汁捞埋去整呢个卡邦尼意粉🍝，酱汁浓郁不过一啲都唔腻，微辣一粒粒嘅明太子丰富咗成个意粉嘅口感，唔错唔错🤟
✝️Roasted Free-range Spring Chicken with Herbed Potato Wedges (三选一其中一款)
走地黄春鸡肉质嫩滑🐓，油脂丰富，主要原因喺因为佢地喺草地上放养，有足够嘅活动量令肉质更嫩更多汁💦，餐厅就用咗两边嘅鸡髀位，啖啖肉，不过鸡皮都唔少，个人觉得原味食已经好足够，加咗酱汁令鸡肉咸咗少少🤏
✝️Sliced Australian M5 Wagyu Sirloin Steak (+$58) (三选一其中一款)
西冷比肉眼稍微瘦啲，用上澳洲M5和牛，脂肪比例唔多，浓郁嘅牛肉香同嫩滑嘅肉质，令唔少人都钟意佢🐂，餐厅同样加咗啲自家制酱汁，酸酸甜甜，令味道更为丰富同清新，切咗片食起上嚟更方便😛
✝️Japanese Cheese Cake & Crème Brûlée (二选一)
一餐嘅总结又点少得甜品？分别叫咗个芝士蛋糕🍰同焦糖炖蛋，
特别钟意后者嘅焦糖面整得好perfect😱，而且蛋香超浓同滑，值得一试❗️
✝️Free Flow Oysters
餐厅是日嘅生蚝喺嚟自欧洲爱尔兰🇮🇪，蚝肉微微鼓胀，色泽饱和，鲜香感十足，微微嘅海水味加咗柠檬汁就更清新🍋，非常易入口，一口气就食咗成打😂
食饱饱饮杯啡☕️，再行出去露天茶座饱览吓香港维港嘅美景🇭🇰，唔知呢个美丽嘅城市仲可以望到几多次呢？珍惜珍惜🙏
张贴
