Isola Bar & Grill (已結業)

今日旧老板请食饭，去咗IFC呢间高档野。去到叫咗个semi buffet，然之后就可以出去攞嘢食啦。一开始最令人瞩目嘅当然系窗边嘅美景啦，景色来讲十分之好，餐厅嘅装修用咗近天空嘅颜色来做布置，同靓景非常合衬。出去攞嘢食嘅时候发现其实前菜都非常之多嘢拣，有各种不同形式嘅沙律，仲有唔同嘅海鲜先包括虾，青口等等。唯一要赞一赞嘅系啲虾系剥左壳嘅，切咗个头同切咗个尾就食得，啱晒我呢啲懒人啦。前菜食完两轮之后就到主菜啦，今日拣咗呢个三文鱼，非常之一般。望住同事识嘅呢个龙虾pasta，要加$99 ，卖相不太讨好，亦都唔似出边𠮶啲龙虾pasta左成只龙虾壳喺上边，不过同事都话几好食嘅。最后去到甜品，选择系非常之小嘅，而呢一个价钱来讲应该可以加强一下。叫埋嘢饮咁就完咗今日呢个buffet lunch啦。最重要系多谢老细，如果自己嚟嘅应该唔会嚟食。买单大概$500一位啦。