影片
更多
2024-07-12
439 浏览
呢个系我近排食过最满足嘅一餐，我向来就好钟意食片皮鸭，所以成日揾吓唔同嘅餐厅试吓佢哋唔同嘅片皮鸭！呢间我book mark咗好耐，系位于尖沙咀海运大厦嘅羲和雅苑。我迟迟都未试嘅原因以为呢间位于海旁睇到夜景嘅餐厅应该收费唔平，点知见到佢嘅餐牌其实价钱相宜，所以就约咗朋友去试吓佢嘅片皮鸭啦！我哋一行两人就叫咗半份嘅片皮鸭，佢片皮鸭同平时食嘅有啲唔同！佢分开咗三个部位，包括鸭胸皮、鸭胸肉同埋鸭腿肉。每个部位嘅食法都有啲唔同，佢都有晒说明书方便大家去食～当初我觉得最特别嘅呢就系鸭胸皮，因为我从来都冇喺其他地方食过，睇落去你会见到佢系炸得好好，有好多蜂巢嘅形状喺个皮底下。餐厅经理介绍返俾我听原来鸭胸皮系成个部位最香脆嘅地方，餐厅仲建议我哋沾蓝莓酱同爆炸糖，咬落去嘅时候口腔里面嘅嘢食好似跳跳吓咁，识落个口感好特别，而且一啲油腻感都冇！而佢嘅鸭胸肉都好香口，只要简单咁去沾芥末酱，已经好好咁食到鸭肉嘅香味！最尾当然就唔少得佢嘅鸭腿肉啦，佢富有几款唔同嘅酱料，而且有两种唔同嘅食法可以比大家选择。第一款最传统嘅就系青瓜条、京葱丝、甜面酱，呢个食法口感就比较清爽啲，而且餐厅建议最尾先将包好嘅鸭肉沾甜面酱，而
我哋一行两人就叫咗半份嘅片皮鸭，佢片皮鸭同平时食嘅有啲唔同！佢分开咗三个部位，包括鸭胸皮、鸭胸肉同埋鸭腿肉。每个部位嘅食法都有啲唔同，佢都有晒说明书方便大家去食～当初我觉得最特别嘅呢就系鸭胸皮，因为我从来都冇喺其他地方食过，睇落去你会见到佢系炸得好好，有好多蜂巢嘅形状喺个皮底下。餐厅经理介绍返俾我听原来鸭胸皮系成个部位最香脆嘅地方，餐厅仲建议我哋沾蓝莓酱同爆炸糖，咬落去嘅时候口腔里面嘅嘢食好似跳跳吓咁，识落个口感好特别，而且一啲油腻感都冇！而佢嘅鸭胸肉都好香口，只要简单咁去沾芥末酱，已经好好咁食到鸭肉嘅香味！最尾当然就唔少得佢嘅鸭腿肉啦，佢富有几款唔同嘅酱料，而且有两种唔同嘅食法可以比大家选择。第一款最传统嘅就系青瓜条、京葱丝、甜面酱，呢个食法口感就比较清爽啲，而且餐厅建议最尾先将包好嘅鸭肉沾甜面酱，而唔系甜面酱包入里面，因为每一家嘅片皮鸭用嘅酱油都有啲唔同，都系自家制，最尾先沾会更加食到酱料嘅香味。而第二款食法就系一个新派嘅食法，系包山楂条、紫洋葱、蓝莓酱，真系第一次食呢一种嘅配搭，感觉都好唔错，食落好清新，而且亦都减少咗好多油腻感，好建议大家可以试吓呢个配搭！整体嚟讲，我觉得片皮鸭质素好好，而且仲可以新旧两种食法，望埋个靓景真系好开心～
另外我哋仲叫咗其他嘅菜式，水准亦都相当之高。当中佢哋嘅金汤海胆蟹肉滑豆腐真系一绝！滑豆腐质感绵滑，入口即化，加上浓郁嘅金汤、鲜甜嘅海胆同鲜嫩嘅蟹肉，味道鲜美而浓郁。整个组合好平衡，极度建议可以捞饭食！另外，佢哋嘅京式小笼包都好出色！皮薄馅多，每一个小笼包都有满满嘅汤汁，肉馅鲜嫩多汁。最尾我私心推介一定要试下佢哋嘅鲜黑松露虾球伊面。我好少食到黑松露蓉喺中菜上面可以咁出色，本身佢嘅虾球新鲜弹牙，滋味浓郁。而且伊面煮得好好，口感好弹牙，加上香气四溢嘅黑松露，味道层次丰富，系一道绝对食咗停唔到口嘅伊面！
最尾因为太好食嘅关系，我哋仲叫埋甜品椰香紫米露同埋姜汁红枣小桃胶～完美感结束我今日嘅晚餐，真心好推介大家如果同朋友屋企人嚟食嘅话呢间系好唔错嘅选择！
张贴
