影片
更多
2010-06-13
我自己本身住荃湾既，所以都想食尽成个荃湾既放题店，今次我又出击，向住浦和去进发啦！我同朋友订左七点半（平日），入到去都唔算特别多人。坐低左之后，有侍应过黎问我地系咪第一次食放题，我觉得好古怪，唔通有优惠比我地？原来只系我谂多左，佢系介绍点样点野食比我地知。过左无耐，佢就先比左个刺身我地食，都几有特色，因为用冰垫底，保持番个新鲜感，同埋入面既野系餐单叫唔到，算系唔错！由开始食野，一路去到中间，我都留意到呢度既侍应好醒目，例如我准备转身想挂好把伞，已经有人走过黎帮我地，另外就系我地问野可能好长气，佢地都会好有耐性咁答我地，我唔知系咪因为平日，所以佢地会比较好ｄ啦！无限任食，食饱就同朋友倾番半个钟计先走，每人１７８加一（饮野加十蚊）走人，算系食埋佢既服务啦！又到左必叫禁叫系列既时间：必叫系列：三文鱼／吞拿鱼鱼生（好新鲜，ｄ三文同吞拿都切得好厚）鸡软骨（炸得几爽同脆）特色寿司（设计得几靓同好味，尤其系花之恋）天妇罗（炸得几好，唔会话好多油）禁叫系列：炸猪扒（食落好脆口，不过ｄ味好怪）八爪鱼鱼生（好难咬）清酒煮蚬（淡左ｄ，同埋ｄ蚬唔多新鲜）我个人觉得佢比起五月花黎讲，ｄ款真系少左，不过感觉上好似
我同朋友订左七点半（平日），入到去都唔算特别多人。坐低左之后，有侍应过黎问我地系咪第一次食放题，我觉得好古怪，唔通有优惠比我地？原来只系我谂多左，佢系介绍点样点野食比我地知。过左无耐，佢就先比左个刺身我地食，都几有特色，因为用冰垫底，保持番个新鲜感，同埋入面既野系餐单叫唔到，算系唔错！
由开始食野，一路去到中间，我都留意到呢度既侍应好醒目，例如我准备转身想挂好把伞，已经有人走过黎帮我地，另外就系我地问野可能好长气，佢地都会好有耐性咁答我地，我唔知系咪因为平日，所以佢地会比较好ｄ啦！无限任食，食饱就同朋友倾番半个钟计先走，每人１７８加一（饮野加十蚊）走人，算系食埋佢既服务啦！
又到左必叫禁叫系列既时间：
必叫系列：
三文鱼／吞拿鱼鱼生（好新鲜，ｄ三文同吞拿都切得好厚）
鸡软骨（炸得几爽同脆）
特色寿司（设计得几靓同好味，尤其系花之恋）
天妇罗（炸得几好，唔会话好多油）
禁叫系列：
炸猪扒（食落好脆口，不过ｄ味好怪）
八爪鱼鱼生（好难咬）
清酒煮蚬（淡左ｄ，同埋ｄ蚬唔多新鲜）
我个人觉得佢比起五月花黎讲，ｄ款真系少左，不过感觉上好似新鲜过五月花，同埋ｄ员工会醒目ｄ既，希望你地去到会食得开心啦！
张贴