椰子日記 (已結業)

今日同广州同事行经油麻地，见到间甜品舖停左喺度，话估唔到油麻地都有佢地嘅网红甜品㖞～话佢喺广州成日都因为太多人而无食到（下删一千字）。ok啦，尽地主之谊，请佢食啦。🥄椰子主题甜品，卖相好得，冰冻椰子碗装住冰凉沙沙口感嘅水果同冰沙，又真系令人食指大动。🥥巴西莓碗 $56 - 蓝莓同士多啤梨🍓嘅配搭，颜色好靓。酸酸甜甜冰冰凉凉，炎炎夏日又几开胃解暑～🥥黄金海岸椰子碗 $50 - 上面旧热情果酸到爆炸，但出奇地同椰味冰沙，同茫果肉好夹。🍼椰奶蓝水晶 $35 - 蓝色啫喱连同椰奶滑入口，有d似以前饮过嘅许留x茫椰奶x，不过呢个饮品主打系椰奶唔系茫果，较香椰奶味。🥝奇异果乳酸菌 $27 - 酸酸地，有d奇异果味，帮助肠胃消化之选。✏️店舖细细，虽然有两三个企位可以堂食。但我觉得佢嘅外卖包装精致，饮品又大大杯，自己可以揾个好地方慢慢享受先系皇道。