影片
更多
2023-11-04
1730 浏览
经过白加士街澳牛同麦文记，两间都大排长龙，完全唔使谂同朋友误打误撞之下经过呢间社交平台feel嘅茶餐厅🤣最出名系佢个熊仔冰同「一夜爆富刘华多士」(即系阿华田西多士)▶️ 常餐- 叉烧仿鲍片通粉 ($48+7)可以自由拣选配料一款，其后每款+$7面底可拣米粉/ 米线/ 通粉/ 公仔面卖相唔吸引😅幸好味道比卖相好汤底好浓鸡汤味，咸咸地同时唔觉好MSG通粉唔错，唔系快熟通粉，咬落有质感，中间通窿好挂汤👍🏻份量仲好多叉烧望落冇色泽 (明明见人哋黯然销魂饭啲叉烧好靓)🐷好彩都有蜜汁甜甜嘅味道，切得薄身半肥瘦，只系部份位置比较韧鲍片几有咬口，切成丝可能会较好，可惜得四片可跟蟹柳炒蛋餐包或时疏，健康啲拣咗菜心🥬钟意佢系烚菜心，食落翠绿新鲜旁边倒上蚝油，唔会乏味，蚝油同菜心系绝配▶️ 海南鸡饭餐 ($60)朋友点嘅，卖相唔错系我见过咁多油饭之中比较黄嘅一个🤣鸡肉连骨🐔算有啲肉肉质淋不过唔够滑嫩同欠缺油香可以点葱油同辣酱另外跟中汤同一碟菜心，几抵食▶️ 樽装熊仔奶茶 (+$19)某程度上系为咗佢而嚟🐻茶底可自选，拣咗最原本嘅丝袜奶茶熊仔冰的确几可爱😻做埋「毛毛」面将奶茶倒落去好有仪式感奶茶醇厚，茶味比奶味出，
同朋友误打误撞之下经过呢间社交平台feel嘅茶餐厅🤣
最出名系佢个熊仔冰同「一夜爆富刘华多士」(即系阿华田西多士)
▶️ 常餐- 叉烧仿鲍片通粉 ($48+7)
可以自由拣选配料一款，其后每款+$7
面底可拣米粉/ 米线/ 通粉/ 公仔面
卖相唔吸引😅幸好味道比卖相好
汤底好浓鸡汤味，咸咸地同时唔觉好MSG
通粉唔错，唔系快熟通粉，咬落有质感，中间通窿好挂汤👍🏻份量仲好多
常餐- 叉烧仿鲍片通粉
$48
42 浏览
0 赞好
0 留言
叉烧望落冇色泽 (明明见人哋黯然销魂饭啲叉烧好靓)🐷
好彩都有蜜汁甜甜嘅味道，切得薄身半肥瘦，只系部份位置比较韧
鲍片几有咬口，切成丝可能会较好，可惜得四片
可跟蟹柳炒蛋餐包或时疏，健康啲拣咗菜心🥬
钟意佢系烚菜心，食落翠绿新鲜
旁边倒上蚝油，唔会乏味，蚝油同菜心系绝配
▶️ 海南鸡饭餐 ($60)
朋友点嘅，卖相唔错
系我见过咁多油饭之中比较黄嘅一个🤣
鸡肉连骨🐔算有啲肉
肉质淋不过唔够滑嫩同欠缺油香
可以点葱油同辣酱
另外跟中汤同一碟菜心，几抵食
海南鸡饭餐
$60
42 浏览
0 赞好
0 留言
▶️ 樽装熊仔奶茶 (+$19)
某程度上系为咗佢而嚟🐻
茶底可自选，拣咗最原本嘅丝袜奶茶
熊仔冰的确几可爱😻做埋「毛毛」面
将奶茶倒落去好有仪式感
奶茶醇厚，茶味比奶味出，唔太甜，绝对有港式怀旧冰室味道
(朋友嫌佢唔够甜添haha，我自己觉得啱啱好)
熊仔冰作用唔大😂纯打卡，好在size唔大，唔会沟淡奶茶味 (如果斋食，口感似刨冰🍧)
樽装熊仔奶茶
58 浏览
0 赞好
0 留言
▶️ 热柠茶
跟常餐免费饮品
茶底比较苦涩，笃埋三片柠檬够晒酸
估计冇落糖浆🍋
-
整体食物唔错，达到一般茶记水准，唔会只靠gimmick
卖相新颖，隔篱枱两个国内游客叫嘅金钻海鲜焗饭超巨型！
推介佢啲奶茶🏅见有少甜版，仲有特别口味：茉莉奶茶、泰式奶茶底、玫瑰奶茶(超市有售)
环境唔错，墙纸凸显香港特色🇭🇰中间座位坐得舒服
服务态度几好，姐姐虽然冇咩笑容，但有种地道嘅「亲切感」
唯一系卫生方面有待改善，一开始碗通粉有只细细嘅蚊🫣姐姐好快就换过碗俾我，咁就唔追究啦
价钱合理，唔收加一，平均$70/人
下午茶时段好多人帮衬，完全坐满仲要等一阵位
黎开佐敦想食间感觉冇咁颓嘅茶餐厅，可以试试呢间
张贴
