緣味小聚 (93WYS) (已改名) 查看

觀塘呢間餐廳，有做放題，亦有點心食，今日就同屋企人黎飲茶食點心。⭐️黑醋鮮秋葵秋葵凍凍地，涼拌口感好好，爽脆鮮甜，用佐黑醋有啲酸酸地，更加開胃，小小地岩岩好啦！🌟蒜香開邊大蝦蒸飯籠仔蒸飯，依家唔多地方有得食，呢度用荷葉墊底再用籠仔去蒸，飯香十足，淡淡荷葉清香飄晒出黎，大蝦好大好鮮味，肉質鮮美無比，配埋蒜香，味道更提升，一家人食岩岩好！💫回味蘑菇包蘑菇包好得意，整到好似真係一粒粒蘑菇咁，蘑菇包好鬆軟，搣開真係有粒粒蘑菇碎，菇菌味濃，軟綿綿，口感好好！✨脆香蔥油餅蔥油餅係北誠傳統果款，一個麵團卷埋一層層，少少厚，但表面炸到鬆脆，入面就軟綿煙韌，蔥味又重手，好香好好食！