緬甸招牌湯米線 (已結業)

朋友只宝贝狗狗要过圣诞，我哋就去咗何文田帮佢美容，放低咗宝贝狗狗要等一个钟，所以我哋要揾个地方食个午饭，再去接佢。经过见到食缅甸嘢，都未食过缅甸菜，所以入去试下。我就叫咗个Mohinga鲜鱼浓汤米线，材料十足。有豆卜、鸡蛋、鱼片，仲有炸到脆卜卜嘅黄豆片同炸蒜片加埋劲多嘅芫茜，香味十足。朋友就叫咗个曼德勤香茅鸡配椰香饭，虽然饭就冇椰香味，但好彩啲鸡够入味，而且有好多香茅。个汁够晒特别，又有少少㗎哩味 又有少少椰香味，但又唔似系咖哩汁，可能系缅甸嘅特色。不过要赞下佢嘅饮品，缅甸生姜柠檬蜜同缅甸清香桂圆蜜都好好饮，真材实料。生姜柠檬蜜 : 姜味浓郁配上清新嘅柠檬同蜜糖，特别好饮。清香桂圆蜜 : 有龙眼、红枣，仲有阵阵嘅姜味配埋蜜糖，啱晒冬天依个季节，饮完成身都暖晒。