Elia (已結業)

嚟呢度同朋友补祝生日，习惯地要等朋友嘅我，今晚遇著隔离台搅笑嘅客人。首先去到话佢知我订咗台，佢哋无 booking list, 问我想坐边，热辣辣咪拣室内有冷气啰，点知拣著个我睇到佢，佢睇我唔到嘅位置 😑😑等紧人无嘢做就 look 下 FB, 突然隔离台有个女仔嚟话入唔到，佢哋啲台台櫈櫈好重，间隔又窄，我话唔紧要我帮佢移开张台，佢话等阵先啦，个位咁难入我去埋厕所先，费事又移多次，佢啲 friend 就同我讲唔驶理佢，佢会用佢方法入到去坐 🤣🤣🤣终于大家坐定定，我继续等朋友，期间听到𠮶个女仔话饮唔晒杯啤酒要倒啲比朋友。 。 。又见到侍应送上最少 2 次佢哋无叫嘅食物，朋友到拣食物，𠮶个女仔就话我哋知咩好食，咩中伏，又话沙律食唔晒平啲让比我哋 🤣🤣🤣我哋听隔离台推介叫咗个 Calamari，系好味，但 2 个人食就漏咗啲!另外自己叫咗个 Fish & chip，我最唔钟意点解唔系一条鱼柳，而系切到一细旧咁呢，条鱼又唔滑，另外叫咗个焗杂菇，啲菇都未淋透 👎👎其间都有上碟食物我哋系无叫嘅，我哋要揾侍应就扬极手都无人见到，餐厅本身人多好嘈，再加埋佢啲音乐，真系要大大声唔怕人哋听到你啲私事先倾到计