Hugo Le Resto Grill (已結業)

喺铜锣湾行街，经过怡和街见到有间楼上西餐厅嘅menu望落好吸引，就同友人上去食晚餐。我哋叫左两个dinner set，每日嘅主题都唔同，我地𠮶日系食牛。跟餐仲包埋自助沙律吧。自助沙律吧有好多款嘢食拣，最特别嘅系有秋葵同青口，净系食呢啲已经好满足。餐汤系干邑龙虾浓汤，龙虾味好香浓，仲有爽口嘅虾肉。我点左五成熟嘅美国顶级纽约客牛扒，牛扒肉质鲜嫩好juicy，跟餐仲有热辣辣嘅炸薯条，点埋黑松露酱好好味。友人点咗香煎老虎大虾配黑松露鲜忌廉饭，虾肉爽口弹牙鲜甜又美味，忌廉饭有淡淡嘅黑松露清香，食落易入口感觉又唔会好腻啱啱好。