大榮華圍村菜 (已結業)

呢班朋友，真系又爱又恨，如果唔系工作需要，都未必有机见到，但每次食饭，都总有讲不完嘅话题，为左要倾好耐，所以就walk in去大荣华揾张大枱慢慢倾！其实系好多年之前，我都俾过机会呢间大荣华，但当时唔知系唔系走红一时，食物质素确实有进步空间。N年之后重游旧地，其实又‥‥‥‥‥！整体份量唔算多，所以我地七个人，最后叫左八碟菜。先上鸡蛋鱼肠，面算脆而且无咩苦味，不过我就会谂其实系唔系无咩鱼肠，因为佢将鱼肠切碎，唔似其他餐厅咁成条成条上，但味道系唔错既！之后就系五味鸡，同豉油鸡完全无分别，所以都系一般，鸡肉又无咩话特别嫩口，所以普通一道菜。另外两三碟菜，菠菜清，油麦菜无想像中咁油，我会钟意油麦菜多D，而西兰花个蟹粉蛋白汁都OK，唔算话好特别，所以油麦菜赢！朋友钟意食虾，所以佢最钟意，陈皮味就未必有，当豉油虾食都可以既。而一字排就有西餐既感觉，但水准当然就无啦，但除鱼肠，我都觉得一字排算好食。而最后，牛腩最唔得，太林，想做到西餐感觉但就做到不论不类，所以都食净好多。酒楼当然一定系嘈既，不过琴晚星期五都九成FULL，算叫唔错，但食物就普普通通啰！