嚐館 (已結業)

前几日，同妈咪一齐系黄大仙食饭，呢间之前都食过，原来佢多左中文名，叫尝馆，不过我真心觉得呢个名改得好好，因为的确佢餐厅可以品尝到唔同的味道，有食肉同唔食肉的选择，呢家食物的选择多左好多，好岩唔同人的不同需要。我妈咪就拣左个芝士焗海鲜饭，而我就拣左个日式杂菜杂菌煎蛋饭，晚饭套餐会跟一杯饮品，我地仲额外加多一个沙律加汤同酸种面包。坐左一阵就先上左前菜先，沙律份量都唔少，因为我自己本身好钟意沙律菜，崇尚健康的朋友仔都好岩的，而汤就系南瓜汤，将D南瓜打成蓉，好滑又浓味，酸种面包都唔错，因为加热左，所以都够软身，不过如果可以脆多少少就完美了。芝士焗海鲜饭方面，唔好睇少佢睇落唔算好大份，但系餐厅都落好重本，因为芝士都好多，而且海鲜好足料有虾、鱿鱼、青口等，好丰富。日式杂菜菌煎蛋饭，餐厅多左好多呢D无肉选择，岩晒好多唔食肉的朋友仔，佢地多左好多选择，日本野好多时其实都会配搭杂菜同杂菌，所以本身件事都好夹，加上，日式汁配椰菜本身都好夹，所以令到成件事都好好食。总括黎讲，我觉得尝馆唔止保持水准，而且进步左，加上菜式选择可以迎口到不同人的口味，满足到不同人士的需要。