影片
更多
2008-01-11
6 浏览
话说前日打算同朋友仔去食tea，见呢度对赞不绝口，于是决定去试一试~当日3:15pm打去，佢话3pm开门，而家可以上去，就约埋朋友一齐上去。去到，个侍应好求其咁叫我：「坐呢度la」我一望，哗！成间野无人你叫我坐厨房门口﹖坐底后，放低左份menu就同另一个侍应企埋一边吹水。当日想食沙律，见佢有3款，就打算问下佢有咩唔同。点知有两款无之余第三款佢仲要答：「都系普通沙律啰，只系加几只虾同橙咁之嘛，无咩特别咁啰」似乎呢位侍应想帮公司倒米...既然无，我就叫个蜜桃鸡肉酥皮卷+ LATTE，朋友就叫左个芒果夹心cheese cake + 果茶。Latte细细杯，味道尚算唔错，朋友既cheese cake味道真系不俗，不过个质感好似moouse cake咁，咁岩朋友最怕moouse cake既感觉，所以佢无加分，而佢杯野饮就约15mins后先到我个酥皮卷等左30mins都未到，就揾个侍应黎追下，好辛苦先令到佢地知我叫紧佢地(因为佢地好忙咁吹紧水)，叫佢追完之后，完全无交带过我知发生咩事之余，我要再等多约15mins先见到我既酥皮卷！其实我已经将我既latte清哂，但系佢地本身坐底连水都无杯俾我地，仲
当日3:15pm打去，佢话3pm开门，而家可以上去，就约埋朋友一齐上去。
去到，个侍应好求其咁叫我：「坐呢度la」我一望，哗！成间野无人你叫我坐厨房门口﹖
坐底后，放低左份menu就同另一个侍应企埋一边吹水。当日想食沙律，见佢有3款，就打算问下佢有咩唔同。点知有两款无之余第三款佢仲要答：「都系普通沙律啰，只系加几只虾同橙咁之嘛，无咩特别咁啰」似乎呢位侍应想帮公司倒米...
既然无，我就叫个蜜桃鸡肉酥皮卷+ LATTE，朋友就叫左个芒果夹心cheese cake + 果茶。
Latte细细杯，味道尚算唔错，朋友既cheese cake味道真系不俗，不过个质感好似moouse cake咁，咁岩朋友最怕moouse cake既感觉，所以佢无加分，而佢杯野饮就约15mins后先到
我个酥皮卷等左30mins都未到，就揾个侍应黎追下，好辛苦先令到佢地知我叫紧佢地(因为佢地好忙咁吹紧水)，叫佢追完之后，完全无交带过我知发生咩事之余，我要再等多约15mins先见到我既酥皮卷！
其实我已经将我既latte清哂，但系佢地本身坐底连水都无杯俾我地，仲要我主动叫佢俾水我地~ 唉~
等左45mins先有得食，理论上应该不俗，但系入口个感觉发现蜜桃同鸡既口味好怪，加埋竟然系酸的！等咁耐只等到呢个咁难入口既野食，真系... 无言！
总括黎讲，我只可以觉得呢度个cake唔错，好可惜服务实在太唔掂，以咁既价钱好多cafe服务好佢好多，个人觉得绝对唔值得为个cake而黎呢度~
张贴