影片
更多
2018-05-07
5209 浏览
琴晚(5月5号)同屋企人一齐去左食自助晚餐一行8人 book枱要先落计 每人$100其实未去之前都好担心因为听闻佢overbook得好劲订枱的职员好坦白同我地讲𠮶晚要预咗好迫人好混乱因为系庆祝母亲节嘅关系所以未去之前都好忐忑自助晚餐星期五六日6:30开始食到9:45先头部队5:40就去到入左去行个圈 心谂大镬 攞野食个度禁细 阵间有排排有排逼6:20就安排我哋入咗因为之前book位有同佢地讲有老人家安排近攞嘢食嘅位置所以张枱好近攞冻海鲜嘅地方准时六点半开始大家都主攻龙虾面包蟹等等嘅冻海鲜抢嘢食嘅情况都几严重冻海鲜款式都几多龙虾 好多只都好多膏但系食落去无味嘅 要靠佢个辣辣地嘅sauce先至有返小小辣味 我食咗半只就算都唔知啲人抢黎做咩蟹钳 已经剥咗一半壳方便食但系同龙虾一样都系无味面包蟹 如果好彩攞到蟹盖都有少少膏如果攞到蟹脚蟹钳都几多肉 但系都系无味嘅一啲都唔鲜甜长脚蟹脚 都唔会过咸嘅青口,螺,蚬,冻虾无食到因为成个自助餐都算多嘢食所以试咗一次发现系无味之后冻海鲜就冇再食咁我就唔同大家抢去咗攞沙律同埋芝士沙律菜都系平时会有嘅番茄仔罗马生菜等等咁预先捞好就好似有四五款有一款系海鲜冻糕又
一行8人 book枱要先落计 每人$100
其实未去之前都好担心
因为听闻佢overbook得好劲
订枱的职员好坦白同我地讲𠮶晚要预咗好迫人好混乱
因为系庆祝母亲节嘅关系所以未去之前都好忐忑
自助晚餐星期五六日6:30开始食到9:45
先头部队5:40就去到
入左去行个圈 心谂大镬 攞野食个度禁细 阵间有排排有排逼
6:20就安排我哋入咗
因为之前book位有同佢地讲有老人家安排近攞嘢食嘅位置所以张枱好近攞冻海鲜嘅地方
准时六点半开始
大家都主攻龙虾面包蟹等等嘅冻海鲜
抢嘢食嘅情况都几严重
冻海鲜款式都几多
龙虾 好多只都好多膏
但系食落去无味嘅
要靠佢个辣辣地嘅sauce先至有返小小辣味
我食咗半只就算
都唔知啲人抢黎做咩
龙虾
208 浏览
3 赞好
0 留言
蟹钳 已经剥咗一半壳方便食但系同龙虾一样都系无味
面包蟹 如果好彩攞到蟹盖都有少少膏
如果攞到蟹脚蟹钳都几多肉 但系都系无味嘅一啲都唔鲜甜
长脚蟹脚 都唔会过咸嘅
长脚蟹脚, 面包蟹
171 浏览
3 赞好
0 留言
青口,螺,蚬,冻虾无食到
因为成个自助餐都算多嘢食所以试咗一次发现系无味之后冻海鲜就冇再食
咁我就唔同大家抢去咗攞沙律同埋芝士
沙律菜都系平时会有嘅番茄仔罗马生菜等等
咁预先捞好就好似有四五款
有一款系海鲜冻糕又系淡茂茂 有啲蟹肉龙虾肉系入面
另外有一款系士多啤梨同红桑子baby spinach又几好食
仲有个长通粉芒果龙虾沙律 芒果系甜嘅只不过啲龙虾又系冇乜味
最欣赏佢个沙律吧个边有五六款dressing 有一个芒果sauce酸酸甜甜好好食
沙律吧
160 浏览
0 赞好
0 留言
cold cut方面有三款火腿同埋烟三文鱼
烟三文鱼可以不试虽然砌到一朵朵花卖相好靓
但系食落嘅口感就有少少奇怪我咬咗几啖都无吞到啦
parma ham就比较高质
咸咸香香配埋哈密瓜可以encore
芝士一共有四款我就主攻Camembert
自己钟意切几多就切几多仲有两款饼干同埋好大粒嘅提子可以一齐食
芝士
145 浏览
0 赞好
0 留言
食完啲生冷野趁冇咁多人仲攞咗一轮热荤
热荤数量中规中举 但系全部都好高质素
首先讲咗我觉得最好食嘅西冷
佢真系成旧连埋骨咁样拎出嚟
你想要生啲可以叫佢切生啲嘅部分 熟啲嘅可以俾埋个骨你都得
所以我食咗两次西冷
第一次就叫佢切一个生d嘅
真系有血水 牛味非常之重真系超级好食
而且一啲都唔会un
第二次就叫佢俾埋旧骨我
同埋一旧生啲嘅肉又系超级好食
好难得食自助餐都有啲咁高质素嘅西冷
西冷, 咖喱虾
138 浏览
1 赞好
0 留言
跟住有法式焗田螺就系一小pat薯蓉上边有一粒田螺
田螺都系有阵怪怪地嘅味道唔系太好食
隔离就有黄金虾
又系啲好邪恶嘅野
一只走过油嘅大虾用咸蛋黄包住
虽然真系好邪恶但系真系好惹味
忍唔住食咗三只
黄金虾
138 浏览
1 赞好
0 留言
酥炸生蚝 都好好食
个炸粉唔厚而且真系好大只好好肉
酥炸生蚝
161 浏览
1 赞好
0 留言
忌廉汁煮鲈鱼 都唔错
系稍嫌啲鲈鱼冇乜调味
忌廉汁煮鲈鱼
125 浏览
1 赞好
0 留言
蒜蓉炒杂菜 就比较硬
西兰花同椰菜花煮得唔系太够时间
印度咖喱剩系得咖喱虾
我自己就觉得一啲都唔辣
但系屋企人就觉得好辣
但系啲虾都好大只好弹牙
香茅烤多春鱼 非常受欢迎
我每次行过都净系得返啲鱼骨同埋边边位
其实边边位都好好食
因为多宝鱼多油脂边边位都唔会好干
姜葱炒蟹 又系可以值得推介
非常惹味而且啲肉蟹好大只
蟹钳位真系啖啖肉
姜葱炒蟹
146 浏览
0 赞好
0 留言
西班牙海鲜炒饭 又系好有诚意
啲海鲜铺满晒成个饭
炒饭嘅调味又好食
而且入边嘅配料都好多
又有鱼海鲜鸡肉同埋西班牙腊肠
西班牙海鲜炒饭
132 浏览
0 赞好
0 留言
清汤牛肚 又系出乎意料之外嘅好食
啲牛肚非常之林 萝卜又甜
另外有个蚝油煮杂菜同埋冬菇草菇
一啲都冇揸流摊
冇用到普通嘅菜心
而系用咗啲好嫩嘅芥兰
细细条又甜又林
热荤大概就有咁多款跟住就系串烧同埋鹅肝大阪烧
鹅肝大阪烧 稍嫌有少少失望
其实就食唔到啲鹅肝粒嘅
成块都系啲椰菜
串烧 烧嘅速度远远比唔上啲人去攞嘢食嘅速度
行过几次个架上面都剩系得啲冻哂嘅茄子
番薯南瓜剩系见过一次
同埋最开头冇人攞嘅时候攞咗几串鸡软骨
之后都冇见过有鸡肉串烧或者鸡软骨串烧出现
反而烧味档就好有诚意
长期都有一大盘好林好好食嘅叉烧 卤水猪耳 掌翼 墨鱼 红肠同埋烧鹅
烧味档
126 浏览
1 赞好
0 留言
而且负责𠮶位职员一见到啲烧味好似冻左就会用啲热辣辣嘅汁林上面保持番个温度
要注意返海南鸡饭要你自己主动问烧味档职员系咪有海南鸡饭
佢先至会即刻系个电饭煲度装一碗热辣辣嘅鸡油饭俾你
然之后再即刻斩几旧白切鸡摆上面
所以成碗海南鸡饭系热辣辣非常之好食
个鸡油饭一啲都唔会油腻
反而有一少阵香茅味
比较起我以前食过嘅鸡油饭真系有过之而无不及
而且啲白切鸡就算系鸡胸位都唔会鞋
果然系一定要试嘅食物之一
中汤西汤一共有两款
中汤系鲨鱼骨煲鸡
非常知足料而且好够味
西餐就系海鲜周打汤
呢个汤就差小小
冇海鲜不得已
净系有啲红萝卜粒同埋西芹粒
一直行到尾就系寿司鱼生同埋渌面档
鱼生有螺片 油甘鱼 三文鱼 吞拿鱼 八爪鱼同埋有两款寿司
师傅切得好厚而且份量好多
三文鱼, 吞拿鱼
130 浏览
0 赞好
0 留言
我净系叫咗三文鱼同油甘鱼
佢就厚切左四块三文鱼同埋两块油甘鱼俾我
咁嘅份量同厚度真系完全可以食鱼生就食饱你
隔离就有啲中华沙律 螺肉等等嘅配菜
同埋有啲即刻整嘅寿司同埋炙烧寿司
攞完鱼生咁啱师傅整咗一旧甜虾寿司
我都攞咗黎试
甜虾非常之鲜甜
炙烧寿司又系非常之好食
我就试咗长脚蟹 左口鱼裙边 鱿鱼 三文鱼腩
四款都无雷全部都好好食
长脚蟹 唔系普通蟹柳货色
真系有鲜甜味嘅
鱿鱼 一啲都唔会un
左口鱼裙边 非常重油脂超级好食
三文鱼腩 又系好有油脂
全部都想encore
鱼生, 炙烧寿司
136 浏览
0 赞好
0 留言
行到最入就可以自己拣啲贝壳类阿菜或者粉面俾师傅渌
海鲜
147 浏览
0 赞好
0 留言
有两款汤底可以拣 分别系喇沙同埋海鲜面豉汤
个人好推介个面豉汤
因为饮落好鲜甜
反而喇沙汤就稍嫌有啲辣
我就食咗东风螺 花甲同埋贵妃蚬
全部都好大只不特止仲要好甜
东风螺同埋贵妃蚬嘅size真系唔会系街市揾到
配埋个汤真系无得输
87 浏览
0 赞好
0 留言
咸野应该就讲晒啦咁接下来就终于可以讲我最期待嘅甜品
首先好快咁讲下个朱古力喷泉
可以用泡芙或者士多啤梨点啲朱古力
士多啤梨就咁食都算甜嘅而且会不停refill
生果就有新鲜菠萝 西瓜 哈密瓜 蜜瓜 火龙果 仲有拖肥凉粉同埋杨枝甘露
杨枝甘露啲芒果同埋西柚非常之甜
而且非常足料
蒲面都好多芒果
蛋糕柜选择非常之多
作为甜品控每一样都攞咗一旧
甜品
139 浏览
0 赞好
0 留言
首先系帝苑饼店最出名嘅蝴蝶酥
有三款味 分别系原味 绿茶同埋芝麻
个人最推介系芝麻味
啲芝麻有小小咸香令到个蝴蝶酥唔会净系得个甜字
反而个绿茶就有少少失望因为完全冇绿茶味
而原味就不过不失
creme brulee最令我痛心
因为一开始冇攞到 谂住佢应该唔会净系出一次
点!知!佢真系净系出咗一次俾人攞晒就冇再出现过
所以想试都冇得试 喊死
Creme Brulee
133 浏览
1 赞好
0 留言
好彩后尾都出咗tiramisu 都算有咖啡味嘅
但系剩系得一层cream一层浸左咖啡嘅蛋糕就唔系太正宗
反然个泡芙山就非常之好食
啲泡芙入边啲cream好满好creamy但又唔会过甜
面头𠮶层焦糖又脆bokbok好好食
卖相又靓
opera都好正
层层分明先系opera嫁嘛 抵赞
朱古力同咖啡味都好出 好正
Opera
147 浏览
0 赞好
0 留言
个柠檬挞又系好食到晕低
size细细粒可以一啖一个
个meringue超light超fluffy
下面个lemon curd又好滑而且唔算过甜
成件事劲balance
蝴蝶酥, 泡芙山, 柠檬挞
194 浏览
0 赞好
0 留言
蓝梅芝士蛋糕 好creamy
纽约芝士蛋糕 就会浓味啲
如果钟意啲硬身少少浓味d嘅芝士蛋糕就会钟意纽约芝士蛋糕多啲
钟意啲滑啲嘅就可以试蓝梅
咁最好梗系两款都攞晒返去食啦
brownies 好足料好够份量
合桃一啲都唔孤寒成旧都系
朱古力脆饼 又系好好食朱古力味好出
朱古力mousse cake 好滑好浓 劲似食紧truffle
士多啤梨饼 其实系蛋糕
好似啲日式饼店咁
个蛋糕好light 中间夹左一层cream同埋士多啤梨粒
走小清新路线都值得一试
马豆糕 听屋企人讲都好诚意
芒果mousse cake 够甜够多芒果 又系正
Apple crumble 都好正
够哂热 苹果够肉桂味但又唔会太浓抢左苹果原本个味
个crumble都重keep到脆身唔会林哂
反而系个芒果黑糯米同冰皮朱古力卷有雷
前者d黑糯米好大旧好厚身无椰汁味
后者完全唔知食再乜
143 浏览
0 赞好
0 留言
雪糕有6款H记 食左cookies n cream 同mango sorbet
配料好多款任玩
最好系食froyo最重嘅爆珠都有
pancake有三只味
斑兰同绿茶比较特别
可以拣用红豆或者香蕉做馅
但系师傅就话唔可以用雪糕
佢净系可以帮你煎好块pancake你自己再摆个雪糕入去
其实而家谂返都好多野食 完全对得住个价钱
重有晚餐送嘅焗酿蟹盖
好大个所以我地去到好后先攞
一黎唔驶争二黎唔惊食饱左
不过就无咩好食
面头d鱼子好咸
蟹盖d馅其实都几多蟹肉但系无咩特别
食左几啖就放弃左
焗酿蟹盖
95 浏览
1 赞好
0 留言
反而8点半要排队嘅拿破仑好值得攞
一人分一旧仔
好多生果而且个酥皮好正好脆
中间层cream唔会过甜而且真系好creamy
又一高水准之作
如果唔系饱到上心口都想encore
咁连拿破仑都食埋其实就差唔多九点几
有部份乘客都已经走咗
但系呢个时候我哋就发现啲厨师同埋员工好多都行晒出嚟围住啲攞嘢食嘅地方行嚟行去
而且仲开始攞啲新款嘅嘢食出嚟 连冻海鲜都refill
除咗西冷仲攞埋只烧羊髀出嚟切
其实我等左成晚就系等佢出羊
点知佢禁晏先出已经食到好饱 饱到完全食唔落野
企喺度望住啲人攞真系欲哭无泪
芝士方面本来得四款而家就有五至六款
连blue cheese都有
沙律又攞咗两款新嘅出嚟
有个红菜头腌三文鱼
热荤嘅鲈鱼都变咗粟米斑块
香茅多春鱼变咗烤红鲈
烧味档又系将啲热辣辣嘅烧味攞晒出嚟
串烧𠮶度而家真系应有尽有
你想食牛舌 鸡屁股 鸡皮 茄子 南瓜 番薯 香肠 应有尽有
连烧菠萝都有任你攞
寿司同鱼生又系全部摆到满一满
隔离渌粉面𠮶度虽然啲海鲜贝壳类唔见晒
但系就有鱼皮饺 云吞 牛柏叶同埋猪腰等等
最激鬼气嘅就系个甜品柜本来八点几已经冇乜蛋糕
点知佢而家又攞晒全部新款蛋糕出嚟
系之前完全未见过嘅
好似有士多啤梨tart 朱古力香蕉mousse蛋糕同埋好多其他唔同款嘅蛋糕
依家系蛋糕等人去攞 唔使排
但系因为真系食到太饱所以只可以望住啲蛋糕冇得食
搞到我劲伤心...
咁我就有走去问其中一个厨师究竟系比消夜自助餐定系俾我哋自助晚餐食嘅呢
厨师就好坦白同我讲其实我哋食得落都可以继续食架
我就问佢咁点解你哋唔早啲攞出嚟啊依家好多客人都走左啦㖞
佢就话因为摆嘢食嘅地方比较细 局限左可以提供比客人嘅食物种类
所以建议客人可以慢慢食
但系以我哋嘅观察所得
如果有人走咗出去夹啲新攞出嚟嘅嘢食啲员工系会即刻整返靓佢嘅
所以好大可能拎出嚟嘅嘢系比消夜自助餐啲客人嘅
但系如果大家想试新野嘅话真系可以留肚等佢九点之后先至出新食物嘅时候再食
因为我哋成班都已经食到好饱
坐咗一阵倾多阵计就走啦
虽然le餐真系唔平
都要成五百几六百一个人
但系以食物种类同埋质素来讲我觉得就好值嘅
而且因为试唔哂佢啲蛋糕所以我第时都会再返去帮衬
如果用openrice coupon就会有七折或者七五折
但系如果你系smartone客户就算过咗头100名定位都会有七折
感觉上抵少少
但系如果间唔中食豪少少呢间酒店嘅自助餐真系好值得推介好值得试
131 浏览
0 赞好
0 留言
张贴
