影片
更多
2020-09-13
1717 浏览
早几年黎过龙景轩饮茶，每次既经验都好好，除咗食物质素高，亦对侍应既热情招待好满意。几个月前见到四季有promotion，买dinner coupon有7折，即刻谂住买黎试下晚餐。原本谂住妈妈9月生日，一家人黎庆祝。由于疫情严重，宜家不打算和老人家出街食饭，但coupon月尾又到期，趁晚市开番，就孖住家姐去食餐豪华宴啦！因为当日下午才订位，所以冇窗口位啦！不过比起疫症前，即日订到位都好难得！我地得两个人，但好多野都想试，最后叫左个几样唔同种类既𩠌菜试吓！叫完𩠌，侍应会和客人讲一次佢因应菜式浓淡味道，建议菜式既上菜次序，好贴心。跟住就先送上一碟厨师餐前小食，好似虾角咁，几香口!第一碟上菜系炸酿鲜蟹盖，蟹肉够鲜味，2个人share 1个唔系好够分😅跟住上既系有机黑白蒜京葱爆龙虾球，蒜片炸到好香脆，味道几好，但龙虾球唔算好弹牙！似虾球多D! 要9百几蚊就有少少失望！再黎有包罗万有，故名思义系样样都有一旧，因为呢个系位上，可以让客人样样野都试吓。有鲍鱼、花胶、海参、干瑶柱、冬菇和猪脚筋，味道都几好架！跟住上呢碟系红炆原件星斑腩，沙窝上，下面又有火热住，好有诚意！星斑腩好滑，仲有菜心和豆腐，再加埋
因为当日下午才订位，所以冇窗口位啦！不过比起疫症前，即日订到位都好难得！
我地得两个人，但好多野都想试，最后叫左个几样唔同种类既𩠌菜试吓！叫完𩠌，侍应会和客人讲一次佢因应菜式浓淡味道，建议菜式既上菜次序，好贴心。跟住就先送上一碟厨师餐前小食，好似虾角咁，几香口!
第一碟上菜系炸酿鲜蟹盖，蟹肉够鲜味，2个人share 1个唔系好够分😅
跟住上既系有机黑白蒜京葱爆龙虾球，蒜片炸到好香脆，味道几好，但龙虾球唔算好弹牙！似虾球多D! 要9百几蚊就有少少失望！
再黎有包罗万有，故名思义系样样都有一旧，因为呢个系位上，可以让客人样样野都试吓。有鲍鱼、花胶、海参、干瑶柱、冬菇和猪脚筋，味道都几好架！
跟住上呢碟系红炆原件星斑腩，沙窝上，下面又有火热住，好有诚意！星斑腩好滑，仲有菜心和豆腐，再加埋个汁，送饭一流，所以我地叫多咗碗饭🤣🤣🤣
最后一道菜系脆炸芝麻西柠鸡，唔知系咪开始饱，觉得呢味厨师推介就一般般啦！细心位系西柠汁系比客人自己落，唔会一早淋上面令到旧鸡个皮淋晒！
食晒咁多碟𩠌再加3碗白饭，真系超饱，再食唔落甜品啦！侍应就好细心送上热茶和免费糕点😘
整体黎讲，成餐饭都几满意！👍👍👍总算试过米芝莲3星既晚餐，味道确实唔错，再加上环境和服务，真系正！埋单要$3000，刚好用3张coupons, 折左都要$2100，确实几贵！不过疫情之下，好耐无出街食饭，间中一次啦！况且，市道差，真系要刺激下经济！💪💪💪
张贴
