Délifrance (已結業)

今晚又去咗德福食晚饭，眼见间间餐厅都咁多人，所以去咗偏离商场少少嘅Delifrance Cafe，贪佢够静唔多人，无时间限制，又坐得几舒服。通常两个人去Delifrance都会拣2人餐，今晚亦唔例外，拣咗$165嘅二人餐。今次嘅二人餐我哋拣咗1)凯萨沙律 x2(2)冻柠蜜x2(3)卡邦尼汁意粉配烟三文鱼(4)肉酱千层面(牛肉)(5)蝴蝶酥配云呢拿雪糕(今次有送$20现金券下次用)(1)凯萨沙律份量适中，沙律菜切成细块，方便进食，但如果啲凯萨沙律汁再多少少会好啲。(2)冻柠蜜唔用加钱就有冻柠蜜饮，唔会有好多冰，几大杯，几好。（比上次嚟好好多，上次啲蜜糖溶唔到，今次溶咗9成）(3)卡邦尼汁意粉配烟三文鱼今次比较失色，卡邦尼汁嘅味道唔太出，似忌廉汁多啲。幸好配料（蘑菇，烟肉）都几多，啲汁都够意粉捞，而意粉亦唔会太淋，整体上ok啦。(4)肉酱千层面(牛肉)视觉上份量唔太多，但食落去都几饱。有少量沙律伴碟，令千层面无咁孤独(?)同无咁滞，不错。有赞今次嘅千层面送到嚟嘅时候系好热，热食好食好多。（如果芝士多啲仲好）(5)蝴蝶酥配云呢拿雪糕甜品一般，蝴蝶酥仲系脆嘅，不过啲雪糕冰感太重，所以唔够滑。