C.P.U. Cafe (已結業)

繁嚣闹市隐蔽清泉系列✨ 尖咀其实系个几神奇嘅地方，平时周街人头涌涌连行步路都唔够位咁滞，偏偏就有啲识途老马会知道有边度系远离繁嚣。唔系有人带路都唔会知，响K11左转右转穿过间鞋舖入到最角落系会有间餐厅响度。虽然走程好短但个位太隐蔽所以个场都几静下，可以舒舒服服叹一餐✨以尖咀餐厅嚟讲价钱都算合理，而且份量都几大下，一个餐肯定会食得饱先，而食物质素都比想像中好，沙律同餐汤都几重料，龙虾汤真系有龙虾肉菇汤都几重菇香，ham同烟三文都唔系求其两块而系成碟都系，而且有啲甜甜地嘅酱汁几好食😌主菜必推海鲜拼盘，其新鲜度颇有惊喜，最钟意比目鱼，外皮超脆然后肉质滑溜到唔洗咬已经化开咁滞，蟹脚都预先帮你拆好壳啱哂我呢啲有壳唔食嘅懒人，当然仲有煎到香喷喷嘅带子，唯一系龙虾有啲过咗龙干咗少少，话说啲薯条好高质点埋个龙虾汁食，食到停唔到口😂羊架又系超出预期，叫五成熟时有啲担心会过熟，但出到嚟又真系五成刚刚好，肉质好嫩口，而外面都加咗啲脆碎一齐烧，口感更丰富，我几钟意个红酒汁点肉好香，另外点芥末令个肉味更突出都系个唔错嘅选择✨另个饭本身都唔算差，几多蟹肉，个汁似海鲜汤咁好香，但比起前两者就失色少少😌最后tiram