可可豬椰香海南雞專門店

营业中

休息中

今日过左唻红磡做野，一到午餐时段度度都咁多人…经过一间在马头围道红磡广场斜对面，原来角落有间食海南鸡饭的小店，因为好细只做外卖，虽然都有几个人排紧，但我见到旁边有部自助点餐机就立即试下最紧要快。我叫左个海南鸡饭，猪手饭，酸辣无骨凤爪，仲叫左两个特饮柠檬青柠梳打同自家煲的热情果特饮。两个饭份量都唔算太多，海南鸡饭仲有好多配菜，酸酸甜甜十分开胃，而海南鸡饭的饭有阵好香好浓的椰汁味，猪手饭，只只猪手都啖啖肉，但只系配白饭，我下次会试下问下店员可唔可以转埋椰汁饭先😅😜我十分喜欢饮那杯柠檬青拧梳打，饮之前记得要搅匀佢，否则可能会觉得个底好浓，搅匀左就岩岩好，又唔会太甜，唔似𠮶d用糖水就咁开嘅特饮。总括来说，我觉得这里的性价比的确唔错，不贵的价钱，仲食到小店用心的细致。