Mini Friday (銀城廣場) (已結業)

今天天色阴沉，心情普通，同朋友经过旺角西洋菜街闹市，见到呢间上楼西餐厅，决定试吓佢个午餐。入到去嘅感觉系宽敞，大部份梳化位，我哋被安排坐近窗口，空间感十足。我拣咗煎三文鱼柳配香草忌廉汁，朋友就拣咗炭烤澳洲羊架配红酒汁，每个餐都跟埋餐汤及饮品，感觉抵食。主菜到了，我的三文鱼柳配香草忌廉汁跟意粉，三文鱼柳外脆内软，配了香草忌廉汁感觉Creamy顺滑，特别惊喜系主菜跟嘅意粉，口感弹牙蒜香味十足，感觉一丝不苟。朋友话佢嘅烤羊架没有太大羊腥味，煎得好香。餐饮我哋跟咗两杯热咖啡，好高兴餐厅入面有咖啡奶，而唔系一般普通嘅鲜奶，我同朋友对饮咖啡都有特别嘅要求，呢度都可以满足到我哋。总括而言，今餐价钱唔贵，坐得舒服嘢食都唔差。