Passion (已搬遷) 新店位置

上次黎见人四点等到六点先有位，我冇等，去下一站。今次同友人六点黎到，预左等，点知唔使等，开心开心。先放低野揾位，我中意自助式，方便又冇加一服务费。有沙律吧，轻食三夹包，甜点，包，批挞，多到唔知点拣。拣好就去付款，自己拎餐具入座享用。有姐姐会收回用完餐具。Hot chocolate ： 用上70%朱古力，好浓郁香滑，唔甜带点苦既朱古力，超赞。mon cheri ： 马卡龙甜点，外脆内软无敌口感，配上带点酒香既车厘子，冇药水味，赞。salmon quiche ： 估唔到蛋批既蛋滑过蒸水蛋，三文鱼肥美，油香满口。未试过甘正既蛋批。large salad box ： 可拣四款口味沙律，少有既红菜头指定要试，另外米形意粉既沙律都好味，还有惊喜印度香料味重既沙律，有点葡萄干好吸引。最后一款鸡肉沙律比较普通，但够饱肚。全部都好食，而且好多款想试，很自由。但繁忙多人，难有位系出名好味带黎既不便。不过我都会再黎。