健康味 (已結業)

今日要去观塘工作，非常忙碌，连饭都冇时间食。仲要输埋“包剪揼”就要负责出去买外卖，突然间想起上网找寻快餐外卖，但同事话唔制 “太肥腻” 想食得健康啲。点知突然间揾到呢间饭盒快餐，标榜健康又冇味精，试下打电话去问下餐单，大家都话好，而且在工作地点附近。落咗柯打，准时到，已经准备好饭盒热辣辣，非常方便。我哋叫咗咖哩意粉、鱼卷饭、红糙米饭。大家打开饭盒都大赞，好健康，啱晒我哋都市人。有个同事仲夸张话好耐冇食过菜，即刻要攞电话号码。不过试咗未到先讲。咖哩意粉 : 咖哩不会太辣，有椰香味 ; 意粉不会太淋。鱼卷饭 : 用大块鱼柳卷住薯蓉同配菜。而红糙米饭 : 除咗糙米仲有大大块瘦肉。一个咁普通嘅饭盒估唔到味道真系唔错，不会太咸而且食到每种食材的味道。最重要我哋摊冻咗再食，都一样咁美味。啱晒我哋食无定时嘅人。