Amber Coffee Brewery (已結業)

今日行开中环果一头，食完午餐饱饱地，但又想饮少少野。于是就上OpenRice揾吓附近有咩咖啡室。揾到呢间，个个都话几好饮，于是我就抱着好奇嘅心态去试一试。行到去门口，见到简朴嘅装修，隐约感受到佢散发嘅内在美。无一件过份雍容华贵，俗气嘅摆设🤩🤩入到去坐低咗之后，就见到佢嘅餐牌只有寥寥可数嘅咖啡俾我哋选择，证明佢哋对自己做嘅咖啡好有信心！👍🏼 咁我本身唔系一个饮开咖啡嘅人，所以去咗柜台问佢哋意见。佢哋就每一样嘢饮都介绍一次，仲根据我嘅口味同埋接受程度，就介绍咗一杯叫Flat White既咖啡☕️嚟到之后，发觉佢上面有最经典嘅拉花图案，虽然佢唔系咩复杂嘅图案，但系一个成功嘅咖啡师傅，基本功又点会少得呢？👍🏼👍🏼细细一啖，饮到饮到淡淡嘅奶味配上咖啡味，二合为一。咖啡嘅味道香醇，并非一般茶餐厅冲出嚟嘅咖啡！🤤而且杯新又有清淡嘅图案，衬托出高尚嘅格调。绝对系烦嚣闹市中嘅绿洲！🥰