影片
更多
2019-09-02
4610 浏览
近排相信大家都特别多嘢烦，以往可能烦嚟烦去都喺工作问题、屋企问题，但依家有可能烦着咩色衫出街、烦去咩区食饭安全啲……等等。小弟份人好简单，既来之，则安之，无论晌咩境况，不怨天，不尤人，因为怨天怨地都解决唔到问题，自觉应把每件事都做足应有本份先。有人话食餐好嘅可以减吓压，唔知有无科学根据，但食到啲好嘢，喺会开心啲，所以，今晚就抛低一切烦恼食餐好嘅。「牛繁」喺友人嘅推介，喺日本过江龙，话质素有保证。再晌餐牌中嘅介绍，由1968年创立到依家，已经有超过150间分店，可见有一定嘅实力先可以做到咁嘅成绩。怪唔之得有咁多客人捧场啦，当晚所见，可以讲全场满座，仲见有啲枱已翻咗一、两转，可见香港人喺几钟意食日式烧肉。好多日式烧肉店嘅装修都喺走简单路线，又带点工业风。而个人觉得最紧要嘅喺抽风，佢哋嘅抽风用咗上抽式，个人咁多年食韩式、日式烧肉嘅体验，下抽式嘅效果会好啲。然而，佢哋加咗个透明大胶盖，效果算喺理想啲。不过，抢火起上嚟，都一样好大烟吓。除此之外，铜钳、铰剪、酱汁、调味料……等等，已放晌枱上，一齐准备就绪。环境、用具介绍完，就讲讲有咩选择，其实，翻一转餐牌，就见到有好多嘢食，不过，唔知点拣，晌门口
「牛繁」喺友人嘅推介，喺日本过江龙，话质素有保证。再晌餐牌中嘅介绍，由1968年创立到依家，已经有超过150间分店，可见有一定嘅实力先可以做到咁嘅成绩。
怪唔之得有咁多客人捧场啦，当晚所见，可以讲全场满座，仲见有啲枱已翻咗一、两转，可见香港人喺几钟意食日式烧肉。好多日式烧肉店嘅装修都喺走简单路线，又带点工业风。
而个人觉得最紧要嘅喺抽风，佢哋嘅抽风用咗上抽式，个人咁多年食韩式、日式烧肉嘅体验，下抽式嘅效果会好啲。然而，佢哋加咗个透明大胶盖，效果算喺理想啲。不过，抢火起上嚟，都一样好大烟吓。
除此之外，铜钳、铰剪、酱汁、调味料……等等，已放晌枱上，一齐准备就绪。
环境、用具介绍完，就讲讲有咩选择，其实，翻一转餐牌，就见到有好多嘢食，不过，唔知点拣，晌门口处楝咗个牌，就有啲人气系列，不妨当个参考。
而细看餐厅，选择确喺非常之多，部份配有图片，十分吸引。由前菜、小食、沙律、牛肉、豚肉、鸡肉、海鲜、野菜、食事、甜品……等等，都一应俱全照顾到。而肉类选择多到花多眼乱，当中，有用上澳洲M9、宫崎黑毛和牛，海鲜亦选用唔同国家嘅靓货，更特别之处，有唔同嘅调味可选，如汁烧、柚子胡椒、香草酱、味噌……等等。
另一组细餐牌，就提供各式各样嘅饮品，主打喺酒类饮品，提供清酒、烧酌、红 / 白酒、梅酒、啤酒、果酒，甚至威士忌都有；唔喜欢饮酒嘅，可以拣拣梳打、汽水……之类。
蜜桃梳打 $45食烧肉点都要饮住杯冻饮嘅，拣梳打就最夹架啦，梳打口味共有5款，蜜桃就喺心水之一。睇色泽，应该喺白桃嚟，入口清爽冰凉，阵阵清甜嘅白桃味，感觉不俗。
和风菠菜 $32趁未烧肉类之前，先有啲前奏，就喺食啲前菜或沙律嚟开开胃。呢小碟和风菠菜，有啲韩式前菜嘅感觉，菠菜简单调味，再糁上大量生产芝麻，简单而清新，啲菠菜又亳无涩味，而且，又可以作为肉与肉之间嘅间场。
薯蓉沙律 $38揾薯仔做沙律，听落普通，但确喺又喺不过，做得好嘅一样可以好好食。将薯蓉做成波波咁，自然好睇咗，而薯蓉做得绵滑，加入啲甘笋丝后，增添口感，淋上胡麻酱，令味道唔单调，真喺可以返到屋企试做吓。
特上牛胸腹肉 $98呢个喺一心想试嘅部位，因为睇见标示「钻石」标志，表示喺希少部位。上枱时见到啲牛胸腹肉鲜色红润，感觉「新鲜」，烧到带点焦香，入口牛味浓郁，质感软腍细嫩，脂肪唔会太多，甚具肉香，正呀！
特上牛胸腹肉
$98
33 浏览
0 赞好
0 留言
葱烧盐香牛舌 $98牛脷喺小弟喜爱嘅部位，亦喺餐牌中嘅「牛繁」推介，而牛脷亦有多款口味供选择。呢一款口味则以薄切再加少少酱汁腌过，轻轻烧至表面干身已OK，入口仍有少许牛脷嘅韧劲，以及独有嘅膻香。
极上厚切和牛板腱排 $198不然有一定嘅质素，而且，油花分布平均，色泽又靓，睇见都心郁啦。简单以盐同黑椒调味，所以，食落既食出肉嘅原味，更充满油香而不过火，细嚼肉质嘅纤维真喺有种入口即化嘅感觉。
特上厚切牛肋条 $168又喺采用澳洲M9和牛，亦喺「牛繁」推介，长长嘅牛肋条已经鎅晒花，以烧汁及味噌腌过，更加入味。我哋原条咁烧，烧至两面都「上晒色」就觉得差唔多。剪开一小嚿一小嚿咁食，里面仲喺嫩红色，肉质软腍，外层焦香，配点葱花，好食。
特上厚切牛肋条
$168
7 浏览
0 赞好
0 留言
严选鸡颈肉 $78猪颈肉就食得多，见有款鸡颈肉，好奇唔知咩料，就试试其柚子胡椒口味喺点。单睇外观，同平常食嘅鸡柳唔喺太大分别，烧过之后，个样亦喺，亦无预期好似猪颈肉咁爽爽哋，不过，口感就好腍好滑，而且，带有柚子清香，又OK㖞。
特选猪五花 $68食咁多牛，又试埋鸡，点都要试试佢哋嘅猪肉嘅，五花腩就最有代表性喇，以味噌简单腌过，睇落都只喺有一层层窄身肥膏，但猛光烧后，逼出油脂，入口又唔算好肥，反而，有一份甘香感。
大人气！雾岛温泉蛋饭 $48食事里边，呢一款喺「牛繁」推介，讲开雾岛，我都识架，几年前计划去南九洲时，就有打算去雾岛，不过，我哋唔识揸车，搭公共交通过去又好烦，先缘悭一面。讲番个饭，卖相几有心思，将中间掏空打只半熟温泉蛋，而饭面加上唔少饭素、芝麻同紫菜，捞匀嚟食，好好味。不妨配嚿烧肉，自制烧肉寿司，更加正呀！
大人气！雾岛温泉蛋饭
$48
5 浏览
0 赞好
0 留言
一次过试咗咁多款牛肉，「牛繁」嘅肉真喺几得，至于肉类以外嘅食物，都一样做得唔错，值得翻兜。
张贴
