Mini Friday (The Wave)

营业中

休息中

依家工业区一d都唔死板，已经好多玩乐同餐厅，尤其观塘工业区夜晚仍然人山人海，同朋友去左哩间西餐厅食晚饭。香烤澳洲羊架配薄荷烧汁($238)，今次选择6成熟，羊架与薄荷汁一向都系绝配，闻到阵阵羊膻味，食落口腔内散发膻味更浓郁，肉质唔会太老太韧，配菜有一球薯蓉，一样落足本加左黑松露粒，而且有助解除肉既油腻感。餐前小吃系脆脆簿皮，够香脆，酱汁系千岛汁，甜甜酸酸好醒胃。汤和沙律系跟餐的，汤系南瓜汤。甜品都系跟餐，朱古力蛋糕加上彩针，卖相的确有d似比小朋友食用，但无所谓啦，最紧要带出到一种开心既感觉。千岛海鲜薄饼($168)，饼底系簿批，超级松脆，虾够厚肉而且弹牙，值得一赞系鱿鱼，食哩个pizza既时候有咬口增加口感。蜜桃雪葩($68)，最后order多一个甜品作结尾，简直人生一大满足，蜜桃味好重，入口即溶，唔会雪到好硬，面层几粒并唔系三文鱼籽，系一d份子料理，咬开入面有果汁既味道，至于甜度方面人人味觉不同，我自己就觉得的确系略带甜，但我接受到。