繼光香香雞 (已結業)

继光继光继光鸡嚟到香港喇！之前去台北西门町就食过一次，人龙真系不断呢！西门町店店员会用一啲我地听唔明嘅台话不停叫口号，虽然唔知佢地叫乜，但都系特色一种，而且都带旺气氛哦！反而嚟到香港之后就冇左𠮶种另类又令人怀念号口号，可能香港员工唔识讲台语啦。 继光鸡座落于西洋菜街一小店，旺角地铁银行出口上前行少少就会见到佢个标志，对！认得的首先系佢个标志鸡～过江龙到香港反而气势不及台湾，但依然会有一条小人龙，唔知味道系咪同台湾食过嘅一样呢？已经急不及待！香香炸鸡分别有小$26，大$38两个size,咁耐冇食，当然要嚟一客大size啦。 鸡肉炸得啱啱好，颜色金黄得好吸引，香味更令人涶涎！而且鸡肉size啱啱好，一口一件⋯⋯⋯等等，虽然size系一口一件，但千奇唔好一啖就放入口，如果唔系就大柠乐喇！因为佢系超新鲜炸出嚟，相当热辣辣！咬开鸡肉会飘出热烟，而且鸡汁保留得好好，一啲都唔干！分有大中小辣同唔辣，我就中意加小辣，令鸡肉更加惹味！虽然系小辣，但真系会愈食愈辣，好正！！ 下次出旺角会再食！继光鸡继光鸡，唔使特登去台湾先可以食到喇