繼光香香雞 (卓爾廣場) (已結業)

平时好少去卓尔居𠮶边行，呢次屯门牛fd话想食炸鸡，好耐无食继光香香鸡所以特登买返去食😂。去到好好彩就无咩人，但一叫完就开始好多人🤣。因为即叫即炸，所以等大约10-15min都预左，毕竟宁愿等佢即炸都好过俾啲炸起左唔知摆几耐既我食😬。因为叫左2个set所以有纸袋装住，感觉上无比用胶袋装咁易焗到有水气👍🏻，所以即刻返去食都仲脆。🔅1号餐 (香香炸鸡L & 海苔乐薯) ($49)炸鸡份量都唔算少，就算有鸡胸位都唔鞋，又唔会干争争，炸粉又唔厚👍🏻，同喺台湾食既差唔多。薯条都炸得好香脆，$50蚊左右有大份炸鸡加埋薯条都几抵😍。🔅9号餐 (酸甜炸脆鱿 & 蒜脆杏鲍菇S) ($49)炸鱿鱼须平时都唔平，但见呢个set折左$50有找所以叫左😂。鱿鱼须份量都唔少，炸粉相对厚啲啲，但太薄其实一咬层粉又好易甩😂，失去左炸既口感我又唔太钟意，所以我个人都ok呢个鱿鱼须。酸甜酱就分开有盒仔装住，钟意就咁食又得，点埋酱食都得🖖🏻。菇虽然系S，但我觉得粒数黎讲都唔算少🤣，都几有咬口😌。💬Overall都唔错，系舖头位置唔太就脚🙈。但我见佢1月7日至2月6日屯门分店限时套餐特价，有部份都平唔少😚。