影片
更多
2016-03-12
569 浏览
今日黎到旺角啲嘢整，收完工整完野都已经差唔多九点，谂紧附近有咩啱食嘅时候，突然谂起李家，所以就决定去食个炸鸡啤一啤。呢间位于烟厂街楼上嘅李家其实我都唔系第一次试，虽然价钱比普通餐厅贵少少，但系胜在唔使等位就有得食。差唔多每次你都好都系可以即入，唔会好似尖沙咀𠮶间咁要排长龙。我哋去到间餐厅，已经可以即刻坐低。虽然之后你嘅人有时要等一等先可以入座，但都系十分钟左右就坐得低。餐厅嘅座位比较疏落，多数枱都系坐四人卡位，由于今日唔系好觉有大枱，所以我都唔知其实佢啲枱拍唔拍得埋做大枱。但系如果3,4知己黎食饭，就唔使惊因为同隔离枱太近，佢把声仲大过你搞到倾唔到计。不过可能由于现场既灯光太暗，每张枱主要用黎照明既只系得头顶果盏灯，所以食食下饭对眼就会好辛苦，成个人都好似好眼训咁。每张枱都会有2款前菜，包括系酸白萝卜同埋菜丝沙律(沙律酱好似试到有少少梅味，不过唔肯定)。食完仲可以无限refill。我次次黎呢到食，都由于主菜要等太耐 (15-20mins左右)，都会fill多过1,2次。不过呢，你唔好expect呢到有好好既service，由我地入黎坐底开始，员工既态度都麻麻地，多数时间都系自顾自咁倾计
餐厅嘅座位比较疏落，多数枱都系坐四人卡位，由于今日唔系好觉有大枱，所以我都唔知其实佢啲枱拍唔拍得埋做大枱。但系如果3,4知己黎食饭，就唔使惊因为同隔离枱太近，佢把声仲大过你搞到倾唔到计。不过可能由于现场既灯光太暗，每张枱主要用黎照明既只系得头顶果盏灯，所以食食下饭对眼就会好辛苦，成个人都好似好眼训咁。
每张枱都会有2款前菜，包括系酸白萝卜同埋菜丝沙律(沙律酱好似试到有少少梅味，不过唔肯定)。食完仲可以无限refill。我次次黎呢到食，都由于主菜要等太耐 (15-20mins左右)，都会fill多过1,2次。
不过呢，你唔好expect呢到有好好既service，由我地入黎坐底开始，员工既态度都麻麻地，多数时间都系自顾自咁倾计，有时仲要企系我地隔离枱同自己员工吹水，声量仲要大过我地。呢个价钱但咁既服务质素，好似有D唔值。
芝士辣鸡炒年糕
呢个芝士辣鸡炒年糕一上枱，已经超吸引我，因为佢劲多芝士舖系面，又多辣汁，如果系芝士迷一定超钟意。 不过可惜，佢鸡同埋年糕唔系多好，D鸡肉系一粒粒细细地，呢个菜式应该系sell紧芝士，而唔系辣鸡同埋炒年糕, 哈哈！！
豉油炸鸡上次食完原味炸鸡，所以今次就试下豉油炸鸡。等左一阵，终于黎到炸鸡，但系唔知点解望落好似细份过上次黎食。同埋呢个鸡食落有少少咸，食完要饮返啖啤酒爽一爽先得。
500cc生啤油食炸鸡又点可以少得杯啤酒呢，佢有分日式生啤同埋韩式生啤。今次我地就点左日式，个啤酒仲会送一小杯虾条。成晚呢餐饭，原来最吸引我个虾条
张贴
