火山燒 (已結業)

吃了不少价钱相约的烧肉店放题，但觉得火山烧啲肉几合口味，今晚带生日朋友来食个饱，生日嘛，梗系要食好西！沙律必叫，因不能净系食肉，沙律可清清肠胃之余，酸酸地又可当下开胃菜，所谓一举两得。海鲜攞黎烧好像有点浪费，火候好难控制呀，是晚的青口同蚝比我烧㶶左，干哂。鲭鱼则烧得唔错，鱼肉嫩滑。牛同猪肉梗系唔少得，肥美甘香，烧一烧落少少酱已经好好味，又易烧唔痴炉。其他串烧，芝士年糕烧完唔芝士爆出黎劲烫口，甜蛋超正，仲有呢个糯米棒都系，一边用慢火烘佢，一边加甜酱，劲好味呀。其他串烧2，烧鸡翼，我钟意食～仲有多春鱼，墨鱼咀，鱿鱼须等，好多野烧。哈哈，我至爱的饺子同章鱼小丸子，自己烧都好好味㗎。饮品要加廿十蚊先有任饮，三十有埋啤酒。饮两罐乌龙茶都喺返度，都系加钱任饮抵啦。至爱食鸡的朋友点了半只烧春鸡，已预先加了香草烧熟，只放在炉上烤一烤已食得，皮香肉嫩。一开始劲肚饿梗系要放到密密麻麻啦，第一转等啲石热都要啲时间。要好好善用每一个空间 好香呀好香呀，简直有街边串烧嘅水准啦。食到尾声又系时候烧下菠萝，超劲甜！！唔使落蜜糖都甜到漏，劲正劲正。大满足嘅一餐，有肉有海鲜有蔬菜烧，仲有唔少小食，好饱好饱。