梨滿園韓國料理 (已結業)

天气开始转凉，尤其是呢几日就特别冻，除咗打边炉之外，其实韩烧都系一个唔错嘅选择，都系可以对住个热辣辣炉。我特别中意你喺呢度食韩烧嘅原因，系佢嘅食物质素非常之好，尤其是我好钟意食嘅带子，全部都大大粒又够厚身，咬落去有肉感，正。仲有大大只嘅虎虾，一只虎虾嘅长度起码有我个手掌咁大，食落去啖啖都系肉，有啲总会有虾膏添。仲有每一次都必点嘅呢一个牛肋骨肉，一片大大片嘅，系由一旧牛肋骨切开，佢嘅肉汁同埋脂肪嘅分布非常之好，食落去之后佢嘅肉质韧度刚好，而且仲有好浓烈嘅牛香味，千祈唔好错过。除咗烧烤之外，呢个生拌牛肉都系我嘅最爱，每一次去到韩国我都一定会食架。我特别钟意系佢嘅牛肉再拌上雪梨，本身生果同肉系唔同嘅组合，好似会怪怪的，但系估唔到呢两者配合上非常之突出。冬天就话可以食下韩烧，如果夏天真系唔钟意食，觉得热辣辣嘅话。呢度净系食韩式嘅小菜都会有好多唔同嘅选择，仲会有二人或者四人套餐选择tim。