馬辣台式鴛鴦火鍋 (大鴻輝(荃灣)中心) (已結業)

话说今日集中火力去shopping，晏画𠮶餐都只系食咗个tea，真系唔多够，所以，夜晚𠮶餐就要放肆啲，去食火锅放题，十日内第二次喇，好担心体重会继续食添。朋友话，凡事要两面看，食饱啲先有力减肥嘛……六点钟上到嚟，经验话俾我知呢个时间系最好，太早嚟食唔落，再晏少少嚟的话，有排排队搭升降机，即使上到嚟都要等位。剔咗个蔬菜清汤 + 胡椒猪肚鸳鸯锅，精选肉类和海鲜类都每样剔了一份，然后，就周围巡下，混下酱，拎嘢饮、拎其他火锅配料。Hoegaarden、蓝妹都系任饮。系专登拣蔬菜清汤的，贪佢清啲，渌起嘢食嚟，唔会抢走啲嘢食本身嘅味道。至于胡椒猪肚汤就系贪佢够特别，唔系间间火锅店都有。好快，个锅就滚起，行动正式开始! Action!各类牛肉质素都唔错，猪肉和羊肉就一般般。其他配料首选系蛋饺、鱼腐，同埋鲩鱼，食咗两转。烚下食下，个半钟后，就有人叫你埋咗张单先，提醒你仲有半个钟就够钟。其实，我哋一早都打卡收咗工，食到饱饱了。