西關粥品 (已結業)

好味嘅粥店買少見少，非常之唔鍾意食平常飯店嘅粥，覺得唔夠綿，又好稠，完全唔正宗。西關粥品就唔一樣啦，真係以粥品起家，食到啲粥就知感受到個種認真煲粥嘅誠意！呢碗豬潤肉丸粥極大碗，但係太好味，一個人絕對食得哂，啲粥軟綿綿，夠火喉，味道啱啱好必食窩蛋牛肉腸完全食返童年嘅口味，腸粉好薄，豉油超級好味，牛肉夠新鮮，牛肉味好濃！推薦！食完一碟都仲想食第二碟XO醬炒蘿蔔糕，呢個都好味嘅，但係就比較冇新鮮感，好似度度都可以食到，所以嚟到西關粥品，不如食返啲出面冇得食嘅菜式啦！值得注意嘅係，店面好細，坐得好唔舒服㗎！