西關粥品 (已結業)

元朗美食多,是人所共知的事~這次要介紹的是一家傳統粥店~香港的粥店多是連鎖,即使是小店,一般都只有簡單的碎牛粥艇仔粥一類~這家粥店特別的,是有西洋菜陳腎粥!西洋菜陳腎湯是海倫最愛的阿媽靚湯,因為西洋菜不止清熱潤肺,還有特別的清香味道~其實平常火鍋時都很喜歡加西洋菜,所以遇到有粥店賣西洋菜粥,實在覺得很驚喜!這裏的西洋菜粥可以配搭肉丸或魚片一類材料,魚片生熟程度剛好,不會太粗糙~這家粥店除了西洋菜粥,還有煎餃子~餃子皮又薄又脆,但油份稍嫌太多,吃起來比較膩~除了煎餃外,這家店還有煎糭~從小到大,家裏煮粥時都會配搭煎糭~但是在外邊吃飯實在很少會有見到煎糭(但明明是很簡單的菜式...)~這個煎糭非常簡單,只有一大片肥豬肉以及綠豆,但簡單的才是最好的~因為肥豬肉的豬油香會被糯米吸收,而且令糯米煎得更香脆~如果喜歡香口食物,一定要點這個試試!所以這家店真的不能一個人來~一個人又吃粥又吃煎糭實在太撐了...如果兩個人來,單點一個西洋菜粥,就可以再試試煎糭或煎餃啦~

今日同朋友喺元朗食飯，佢一向食得健康清淡啲，就介紹咗食依間「西關粥品」💁‍♂️粥品嘅選擇都幾多，仲有腸粉、小食，我就要咗艇仔粥，貪佢樣樣材料都有啲😝艇仔粥雖然望落冇咩特別，但係裡面嘅材料非常豐富，有魚片、鯪魚肉、豬皮、蝦仁、叉燒、海蜇、魷魚等等，再加埋油炸鬼、花生、蛋絲同蔥花，啲材料幾乎多過粥，十分足料🤩大部分粥品都係$40左右，腸粉就$30左右，粥品小食都份量充足，$100以下就食得好飽，難怪食緊嗰時一直keep住有人嚟買外賣返屋企食🏠不過店入面有蚊，環境就爭少少😹

今日個肚唔太舒服，口淡淡又驚個胃頂唔順，最尾都係選擇食粥，今次試吓揀一間未食過嘅元朗粥品店 ，睇完食評之後覺得呢間幾特色幾吸引就嗌左。西洋菜陳腎咸骨粥 足底算綿滑，豬骨夠鹹啖啖肉，陳腎本來以為係大大粒，但原來切到好細粒，有少少失望，正常味道，陳腎食材嘅粥比較難食到，當過吓口引太耐冇食過，值得一讚係非常多西洋菜感覺好健康好清腸胃。西關艇仔粥 朋友碗艇仔粥都試左幾啖，非常多料 比較特別係有油炸鬼、同煎香嘅魚肉。牛腩腸粉 有五舊牛腩，牛腩味好濃郁，質地唔係林身但又未至於太韌，腸粉係鋪滿牛腩汁入晒味，睇食評講到腸粉皮幾出色，不過食完覺得味道有啲似陳村粉，唔滑，失望，但連埋牛腩食味道都不錯。

元朗祝點都唔少，呢間西關算係比較特別，唔少都係出邊食唔到，而且比較特別，仲要即叫即做，有誠意！西洋菜陳腎粥，又綿又香，西洋菜特別多Fresh 😀😀煎糭 應該只此只此一間吧！代表煎得香脆唔錯！

呢間位於元朗市中心嘅粥店，我相信係我近排食過最差嘅一間，先講佢哋啲粥淡而無味，睇落好似好有特色但係好冇意思，價錢又貴地方又唔係乾淨我都唔知佢點解可以生存咁耐，試過一次真係怕怕😱

果日係公司講起元朗美食，有同事都話係元朗要食粥嘅話就食西關粥品。去到西關，門口都有幾多人等緊，仲以為要排一陣隊添，誰知原來好多都係等外賣嘅。等左一陣好快就有枱了，點左三樣野食先，1) 窩蛋牛肉腸 2) XO醬炒蘿蔔糕, 3) 陳腎咸豬骨粥 唔夠一陣再加，以免浪費食物啦。窩蛋牛肉腸: 腸粉顯然是即叫即做，不會是拉好了又不斷地加熱的做法。，啲皮薄到透到入面嘅餡料出黎，若隱若現，性感，好食，飽滿，豐富。陳腎咸豬骨粥: 粥底綿滑，大碗，又夠杰。豬骨大細適中容易食，又足料又夠咸。啲陳腎有輕微嘅腥味，但絕對係瑕不掩瑜。XO醬炒蘿蔔糕: 自家制蘿蔔糕,炒鬼香口好食

元朗食粥，通常第一時間就會諗到發記。不過實在太多人，有時要排大半個鐘先入得。呢個時候我記會諗起第二間粥店，西關粥品。西關粥品同一般粥店好唔同，平時粥店都係賣艇仔粥、碎牛粥。不過西關粥品會係粥入面加上特別配料，例如番茄🍅🍅、蟲草花、和蛋等等⋯今次我叫咗碗番茄碎牛粥。平時碎牛粥就食得多，蕃茄碎牛粥真係少食，蕃茄有陣酸酸甜甜嘅味道，同碎牛粥嘅鹹味出奇地互相配搭，效果令人驚喜。食完之後，令到胃口大增。

西關大少大家聽得多，西關粥可能第一次聽，呢度係一間充滿廣州懷舊風情既小店～充滿懷舊感覺的金漆招牌呢度主打咸湯圓、粉仔、粥品、手拉腸粉等⋯⋯每款都標榜自家製！而呢度啲粥既款式都比較特別，同一般粥店好唔同，例如有西洋菜陳腎粥、蕃茄粥等⋯⋯全部即叫即做！我個人比較喜歡蕃茄牛肉粥，每次黎都必點！粥底好綿，再加上新鮮蕃茄、蛋花，真係好好味！🤤牛肉都好滑！牛腩河粉今次係第一次叫，普通，唔算特別。平時叫開牛腩腸粉，都係腸粉比較好食，佢係潮式造法，啲餡料放係面，不是包在腸粉內，啲腸粉好薄，吸哂啲牛腩汁，好正！煎粽又係唔係度度食到既野，要切開佢煎得唔鬆散又香口，應該好花功夫！呢度既食物真係每一樣都充滿誠意！個粽兩邊煎到金黃色，脆脆地，再沾小小糖食，真係好好味，未試過真係要試下！另外都好想推介佢個咸湯丸，今次無叫，但之前食過都覺得好味，配上大量蔬菜，好健康，又好足料㗎！p.s. 呢度星期一休息㗎！

捱夜去玩後，連人帶胃都比較浮同虛晨早第一餐（下午兩點半）就想食D熱野補番吓記得「早到女王K」話我家附近有間非試不可既粥鋪，佢連情人節都同老公來浪漫💕吓架話，應該真有好野食吧今早單拖就等我黎個一個人的暖心早餐西關實屬元朗小店，千色店後面一百米左右就到，門口就已貼晒d特色粥品推介相當中有「早到女王K」既至愛「蕃茄牛肉粥」同「西洋菜陳腎粥」，聽佢講起時隻眼大左1.5 倍心諗有無咁....哈哈粥店食粥是常識呀，但我一個人自由食梗係要㨂個唔點唔安樂既「西關咸湯圓」咁大頁都係佢差極有限，加上咸湯圓真係未食過一上枱就見大雜燴，湯圓細細粒好煙UN湯頭已好夠味，始終有蝦米🦐土魷打底，餸方面估唔到炸魚肉條咁出色喎，好香口菜絲都好多撈埋一齊連湯食仲好唔好以為咁就完啦⋯⋯食辣既朋友仔枱上有辣菜莆，這碗湯圓升呢就靠佢喇辣椒🌶️伴菜莆見毎樣就知私伙野加埋落湯一齊食不得了，所謂一個人的浪漫，就係果種香辣味加大雜燴香濃味再加埋軟軟咬口既湯圓仔我話既，真心要試埋其他野，唔係粥咁簡單，我見店裡枱枱都有腸粉，下次黎要試埋！再起碼加多個煎咸肉粽

好味嘅粥店買少見少，非常之唔鍾意食平常飯店嘅粥，覺得唔夠綿，又好稠，完全唔正宗。西關粥品就唔一樣啦，真係以粥品起家，食到啲粥就知感受到個種認真煲粥嘅誠意！呢碗豬潤肉丸粥極大碗，但係太好味，一個人絕對食得哂，啲粥軟綿綿，夠火喉，味道啱啱好必食窩蛋牛肉腸完全食返童年嘅口味，腸粉好薄，豉油超級好味，牛肉夠新鮮，牛肉味好濃！推薦！食完一碟都仲想食第二碟XO醬炒蘿蔔糕，呢個都好味嘅，但係就比較冇新鮮感，好似度度都可以食到，所以嚟到西關粥品，不如食返啲出面冇得食嘅菜式啦！值得注意嘅係，店面好細，坐得好唔舒服㗎！

一行六人去左元朗行山， 行到3 點鐘黎到元朗市中心揾食。朋友介紹這間粥麵舖， 餐廳不大， 只有大概十張枱。店家安排我們坐在店中間的大枱。枱面有各式各樣的調味料供食客選用， 而水則有一部自助的飲水機供食客免運飲用。我地叫左西關粉仔， 咸湯圓， 麻辣炒麵， 艇仔粥，番茄粥， xo 醬蘿蔔糕， 蝦腸等等西關粉仔同咸湯圓都有好多配菜，味道也不錯。麻辣炒麵偏麻，很香。粥品比較杰身， 很足料。XO 醬蘿蔔糕不辣，炒得不油， 岩岩好！ 最重要係食左咁多野先三百幾蚊，真心抵！

呢間元朗小店係自己既飯堂list頭幾位✅雖然佢係粥店，但佢最吸引既係各款既罕見小食😻招牌西關粉仔仲每日限量，賣哂就無架啦！香煎鹹肉糉 $35呢個真係每次去都要叫！！本身唔鍾意食糉既朋友都話要ENCORE🤤糉煎得好香口 大大舊肥豬肉夾係糯米入面鹹香味十足！要再食 要再食 要再食醬香牛腩腸 $30淨係睇個外表都流口水 佢直接用腩汁取代豉油上面四件牛腩入味又夠腍下面既腸粉好滑，加埋啲腩汁食唔會係豉油個種死鹹可以一個人完成一碟！叉燒炒麵 $35呢個炒麵一啲都唔馬虎！炒得好香 但一啲都唔油膩叉燒都比得大方 都係推介之選好味指數：

絕對是元朗必食頭5位，特色名菜如牛腩腸粉、煎餃、蕃茄粥、蟲草花粥均是只此一家，菜色有特色有水準。腸粉細滑有彈性，粥品綿滑有味。欣賞老闆及廚師對食物的用心及誠意，未被商業化的小店。

是日國慶假期, 同男友訓到黃朝百晏先起身出去食野。今日去左西關粥品我地2個人, 叫左4樣野食: 西關咸湯圓、香煎咸肉糉、鮮蝦腸同新鮮豬雜河。西關咸湯圓其實呢間野最出名係粉仔嘅..但我次次來親佢都賣晒了, 而我就會叫呢個咸湯圓!呢個其實都好好食! 勁足料! 有陳腎粒, 蝦米, 雞絲, 土魷絲, 仲有大量黃茅白! 加埋細細粒湯圓, 真係好好味!建議食得辣的話加少少辣椒油! 更加惹味!香煎咸肉糉呢個! 我咁大個女都係第1次見! 都係喺呢間店食!呢個真係到不得了! 隻咸肉糉煎到好乾身好脆! 點埋白糖食真係正到冇朋友!雖然隻糉其實只係得肥豬肉餡, 係就係肥D, 但真係必食!來呢間店, 一定要試! 鮮蝦腸見到佢標榜係自家製米漿嘅手拉腸粉, 一於試下!一碟腸粉有2大條, 1條入面有2隻蝦。味道OK的, 腸粉皮好多! 中意食的話一定好滿足!蝦都爽口! 但略嫌細隻, 腸粉皮同蝦大小唔多合比例。新鮮豬雜河同樣, 標榜係自家製米漿整嘅沙河粉, 所以試下!一上枱, 份量十足! 不論係豬雜同生菜既份量都好多!豬雜都新鮮, 味道唔錯!河粉都可以, 其實食落同腸粉皮味道都冇乜分別。但可惜河粉好碎, 好難夾..食得比

西關粥品真係好難食到，難得天黑前喺元朗，又係非繁忙時間，專登喺西鐵站行過去食，都要行10幾分鐘。嗌一個春菜陳腎咸豬骨粥先。其實佢嘅粥係有好多餸揀嘅，由呢啲經典款到蕃茄粥、粟米木耳呢啲比較少機會食到嘅都有。咁點解要食經典款呢？因為第一次黎，唔可以唔試招牌貨先嘅。簡直係一試愛上啦。粥底夠綿，又夠杰。豬骨大細適中容易食，又足料又夠咸。其實間舖頭係好多醬料嘅，菜甫都好似有兩款，但根本完全唔駛落任何野送粥。有冇野可以彈呢？有嘅，啲陳腎有輕微嘅腥味，但絕對係瑕不掩瑜。難得黎到，就算飽都要叫多樣野試嘅，本來好想試吓佢好出名嘅「煎」咸肉糭，但見隔離檯碟腸粉好靚，最後嗌咗個窩蛋碎牛腸，都好少見架。腸粉即叫即做，熱辣辣，啲皮薄到透到入面嘅餡料出黎，若隱若現，性感，好食，飽滿，豐富。有冇野可以彈呢？有嘅，隻窩蛋唔係好食得出。埋單先60蚊，非常滿足。