榮光粉麵小廚

营业中

休息中

对于食嘅要求，色、香、味同镬气，真系缺一不可！嚟到上水嘅荣光粉面小厨，本身以为系食牛腩、鱼蛋嘅粉面舖，但原来餐厅嘅选择非常多，仲有小炒同唔少茶餐厅美食，系一间非常全面嘅港式餐厅，绝对可以揾到你嘅comfort food！花胶鸡煲翅唔好以为喺茶餐厅食花胶鸡煲翅就整得求求其其，荣光粉面小厨嘅花胶鸡煲翅用料十足。汤头味道以浓郁嘅鸡汤做基底，加上花胶同翅，系味道除咗鲜甜之外，仲带有胶质嘅质感，可知啖啖都充满骨胶原啦！菠萝生炒骨即叫即炸，非常香口！炸浆非常脆薄，咬开非常juicy，肉质嫩滑。除咗肉之外，菠萝生炒骨嘅重点又点少得菠萝呢？微甜嘅菠萝沾上酸酸甜甜嘅红醋酱汁，越食越开胃。金奖蒜香骨蒜香骨表层铺满炸蒜，卖相非常吸引。荣光粉面小厨特意用上猪肋骨嚟处理，火候控制得宜，肉质嫩滑，搭配住炸过嘅蒜粒一齐食，够晒惹味。金银蛋时蔬白菜仔加上咸蛋、皮蛋作金银蛋，浸住嘅上汤清甜，啱晒食完肉之后，有一种消除油腻嘅感觉。