影片
更多
2024-06-10
567 浏览
唔系好明点解呢度会有咁多好评。去到嘅时候餐厅冇乜人，但系完全冇人带位。坐低侍应净系摆低咗两只杯同埋水壶，连斟水都要我哋自己嚟。去到叫嘢食都系扫code落单，我真系唔明𠮶10%服务费点解要收，系讲紧连餐具都系自己打开柜桶攞，我真系畀得不明不白。嘢食都好普通，吉列牛都唔系净系得你呢间有得食，除咗有个黑松露酱比较特别之外都冇咩突出嘅地方，我就觉得性价比唔高。至于个忌廉咖喱乌冬，同样都系唔算特别好食，个咖喱同忌廉沟埋一齐之后变得好淡，唔算难食嘅，但亦都唔系特别好食啰。总之，成个体验真系唔值得呢个价钱。呢间餐厅系楼上舖，我相信应该都需要唔少成本喺网上做宣传，亦都可能系咁样所以有唔少好评，但如果实际上嘅顾客体验系咁差，我对你哋嘅前景十分之悲观。
去到嘅时候餐厅冇乜人，但系完全冇人带位。
坐低侍应净系摆低咗两只杯同埋水壶，连斟水都要我哋自己嚟。
去到叫嘢食都系扫code落单，我真系唔明𠮶10%服务费点解要收，系讲紧连餐具都系自己打开柜桶攞，我真系畀得不明不白。
嘢食都好普通，吉列牛都唔系净系得你呢间有得食，除咗有个黑松露酱比较特别之外都冇咩突出嘅地方，我就觉得性价比唔高。
至于个忌廉咖喱乌冬，同样都系唔算特别好食，个咖喱同忌廉沟埋一齐之后变得好淡，唔算难食嘅，但亦都唔系特别好食啰。
总之，成个体验真系唔值得呢个价钱。呢间餐厅系楼上舖，我相信应该都需要唔少成本喺网上做宣传，亦都可能系咁样所以有唔少好评，但如果实际上嘅顾客体验系咁差，我对你哋嘅前景十分之悲观。
张贴