Wing Wing 哋 (已結業)

呢间系一间屋村小店 外面睇嚟好fancy 其实我都系因为佢嘅店员系咁落力派传单 所以先谂住试吓😂 舖头食物嘅包装都几有特色 系用一个罐头咁嘅形式装住啲饭 食嘅时候都有留意吓究竟系点样包装嘅 但系我就研究唔到啦🙊我哋嗌左个优惠餐包括左两个饭同埋一款鸡翼 就咁睇个店名都知道呢度出名食鸡翼啦 真系有好多款鸡翼拣㗎 太过花多眼乱 我哋都系求其拣咗样应该好食嘅🐥 丼方面 我地嗌左和风牛肉饭同埋姜烧豚肉饭 味道都唔错嘅 不过因为包装系一个罐头咁嘅形式 完全密封嘅 所以令我哋短短30秒内个饭已经有好多倒汗水 个人就唔系太钟意喇 同埋饭嘅份量都几多 不过个汁就少咗啲 食到中段已经有啲干🥺鸡翼方面我哋嗌左咸蛋黄鸡翼 有四只嘅 所以呢个餐都几抵 不过咸蛋黄咁浓味都好啦 我都食到鸡翼嘅雪藏味好严重 虽然都明白肯定系用雪藏鸡翼 但系雪味咁重 都冇乜点辟味 所以都有啲失望🙍🏻‍♂️今次食冇试埋佢嘅饮品 希望我下次再嚟嘅时候食物质素会有进步 同埋可以试吓门口介绍嘅绿茶系列啦