Aziza Egyptian & Mediterranean Cuisine (已結業)

餐廳佈置好有埃及風味，未食都感受到不一樣嘅用餐體驗，好似好正宗咁。 青豆燉羊肉($145)。酸酸味味加少少辣。羊肉唔多但超冧。大半碟都係燉冧咗嘅青豆。就咁食會比較咸，配包或者飯就會好啲。 比特包($20)。熱辣辣，甜甜地好柔軟。配燉羊啱啱好。 中東羊肉包($148)。即係wrap。足料熱辣辣。可以揀配薯條或者蕃薯條，我揀咗蕃薯條，甜甜咸咸好味道。 總結係，餐廳菜式特別，裝修有異國風情，香港難得搵到，值得一試。