廣成冰室 (裝修中)

其实，我想黎呢间野食好耐。因为佢地既牛通、蛋治同豆冰都好正。虽然由火车站行过黎要成两、三个字，但都系值得既。内里环境好有七十年代既风味，冷气又够，初初以为会好热。牛肉通粉个汤底好正，几好饮，又唔似系味精汤。牛肉就好淋，好有肉味，而通粉就好烟韧。真系好正。蛋治鸡蛋真系好滑，而且好多蛋汁。我食到好失礼，因为蛋好易跌出黎架。热奶茶好有茶香，奶茶又好滑。揾唔到唔饮既理由。红豆冰呢个一定要散叫，但都值得既。红豆好淋同起哂沙，同快餐店既红豆冰系两个世界既事。而且奶水又唔多，因为红豆已经够哂甜啦。最得意既系红豆冰既冰柱，咁样唔会沟淡哂红豆冰既味。呢餐真系好正，虽然要行几远。但有咁好既野食，都系值得既。呢到果然系冰家、因为冷气真系好冻。怕冻既可以带件外套去架。