蕃茄達人 (已結業)

中环苏豪区附近一直系唔少为食之人觅食嘅好地方，今次就嚟到位于胜香园同九记牛腩附近新开嘅蕃茄达人一尝佢嘅日式蕃茄担担面。日式蕃茄担担面卖相其实系十分吸引，比起一般拉面嚟讲绝对唔会有太大油腻感。而鲜茄亦都令成个面嘅颜色更上一层楼，配合花生酱担担面，的确令人胃口大开。话虽如此，整体面质以至汤底味道其实都比较一般，可能主打健康嘅关系，汤底的确比较淡，欠缺担担面应有嘅浓稠口感，花生碎亦都无为整体提升太大层次感。虽然溏心蛋味道不错，但作为成个面嘅唯一主要蛋白质来源，始终都系有点力不从心。总结嚟讲会建议将鲜茄份量提升，切合返蕃茄达人之名，亦都可以令成个面更加清新。味道 ⭐️⭐️⭐️服务 ⭐️⭐️⭐️环境 ⭐️⭐️⭐️⭐️性价比 ⭐️⭐️⭐️