影片
更多
2017-11-16
60 浏览
好耐无去台湾，心血来潮去揾餐台菜食！ 由天后地铁站行去餐厅大约两至三分钟，位置十分方便。餐厅有两层，我地坐喺下层，装修走怀旧路线，虽然枱与枱之间唔算阔落，但都算坐得舒服！菜单选择都颇多，我地只得两个人，最后拣左一个台湾牛肉面、避风塘炒时蔬、蚵仔煎、炸香菇贡丸。饮品方面就点左一杯热洛神花茶同埋一杯冻珍珠奶茶。炸香菇贡丸率先上场！贡丸炸得香口但唔会太干，弹牙得黎有浓浓肉香；唯一美中不足系只得三大粒，真系唔够喉啦！接住再黎个台湾牛肉面！呢碗牛肉面份量非常多，一个女仔自己一碗都未必食得哂！汤底香浓但唔咸，面身亦算弹牙有咬口，最正系牛肉！卤得好淋、但口感好好，有好丰富胶质，牛味亦十分浓郁！好正呢！配料仲有红萝卜、白萝卜同埋酸菜，萝卜甜甜地，酸菜亦好开胃，整体好丰富！蚵仔煎薄薄地，颇为香脆，蚵仔煎最怕食到有沙，呢、度食哂成块都唔觉有，蚝仔份量好多，加上大量葱花，再配上特制酱汁，食到唔停得口！极速已经比我地K.O哂！避风塘炒时蔬用左油麦菜，炒得刚好又唔会太油腻。饮品大大杯！洛神花茶饮落清清地好舒服、唔会太甜，女士至爱！朋友话佢杯珍珠奶茶茶味香浓，好飮过香港好多台式饮品店！见到附近好多枱都有点「肉燥饭
好耐无去台湾，心血来潮去揾餐台菜食！ 由天后地铁站行去餐厅大约两至三分钟，位置十分方便。
餐厅有两层，我地坐喺下层，装修走怀旧路线，虽然枱与枱之间唔算阔落，但都算坐得舒服！
菜单选择都颇多，我地只得两个人，最后拣左一个台湾牛肉面、避风塘炒时蔬、蚵仔煎、炸香菇贡丸。饮品方面就点左一杯热洛神花茶同埋一杯冻珍珠奶茶。
炸香菇贡丸率先上场！贡丸炸得香口但唔会太干，弹牙得黎有浓浓肉香；唯一美中不足系只得三大粒，真系唔够喉啦！
接住再黎个台湾牛肉面！呢碗牛肉面份量非常多，一个女仔自己一碗都未必食得哂！汤底香浓但唔咸，面身亦算弹牙有咬口，最正系牛肉！卤得好淋、但口感好好，有好丰富胶质，牛味亦十分浓郁！好正呢！配料仲有红萝卜、白萝卜同埋酸菜，萝卜甜甜地，酸菜亦好开胃，整体好丰富！
蚵仔煎薄薄地，颇为香脆，蚵仔煎最怕食到有沙，呢、度食哂成块都唔觉有，蚝仔份量好多，加上大量葱花，再配上特制酱汁，食到唔停得口！极速已经比我地K.O哂！
避风塘炒时蔬用左油麦菜，炒得刚好又唔会太油腻。
饮品大大杯！洛神花茶饮落清清地好舒服、唔会太甜，女士至爱！朋友话佢杯珍珠奶茶茶味香浓，好飮过香港好多台式饮品店！见到附近好多枱都有点「肉燥饭」同「咸酥鸡」，个卖相好吸引，下次都要试下呢！
埋单每人百几蚊，都几抵食！最重要系食完成晩都唔会话觉得口渴，因为我对味精好鬼敏感，食左有味精嘅嘢会不断要飮水，难得呢间餐厅冇落味精，但食物质素又ok ，价钱又唔贵！
张贴
