撈喜 (已結業)

近日有朋友同我讲筲箕湾有间餐厅食花胶捞面，觉得好新奇既情况下就去左试喇！去到发觉原来除左花胶捞面外，仲有花胶鲍鱼捞面，见到就觉得好补身，哈哈。但对我黎讲太补了，所以最后我系叫左个花胶捞虾籽面，个面其实都几大份，仲有几旧手掌咁大既花胶系旁边，上面洒满虾籽。捞面都干身爽口既，加左d虾籽就啖啖都有虾既鲜味，花胶口感滑溜，加埋一齐又几特别几夹。另外，仲附送一大碟油菜，好味得黎又健康，讲真出街食饭好难得会食菜。食完系觉得好饱好满足，可想而知个份量系几咁足。讲真你去澳门食个普通既虾子面都系呢个价啦，宜家仲要有虾胶，性价比黎讲其实都几高。