團日式拉麵

营业中

休息中

今日黎到荃湾做野，做完野就紧系要揾下好野食，之前都有见到网上话有日本拉面机黎左香港，所以我都过黎回忆下系日本既拉面。 拉面店既设计好贴心，除左贩卖机系香港好少见，似足日本，而且仲有得拣曲直面同走配料，岩哂唔同人既口味。呢个黑蒜油汤底好正，蒜味十足，再加埋碗面既炸蒜，又浓味又健康。汤底好浓好稠，饮得出真系好足料。而面同叉烧都系上乘之作，叉烧唔会肥得黎又好细嫰，应该系熬左好耐先做到呢个效果，而面既口感亦系岩岩好，唔会太腍而且好弹牙。  首先要讲有关呢个樱花虾拉面既系，樱花虾真系好多好足料，铺满哂成个碗面，甚至都就黎见唔到D面。樱花虾每粒都卜卜脆，无论系连汤饮定系连面同叉烧食，都好惹味。而汤底系海鲜汤底，除左有虾既鲜味，仲有其他海鲜既味道，非常鲜甜。而面同叉烧就同黑蒜油拉面一样，都系颇具水准，值得一赞。 拉面店有好多款唔同既特色饮品，呢款静冈蜜瓜梳打味道虽然唔算好清新，但都有几分似静冈蜜瓜味，加埋梳打既味道同口感，都几得意。 而招财猫梳打既造型真系好得意好特别，特别系樽身肥肥地，令到只「招财猫」更加丰满更加得意，好接笑。虽然味道唔算非常出众，都系梳打，但净系个外型都值回票价，可以一试。