臺北棧 (形點 I) (已結業)

皮蛋蜂巢豆腐🧡蜂巢豆腐吸收晒啲汁，皮蛋亦都有啲流心，又食啖啖甘香，再加埋大量嘅肉松，口感味道一流！麻酱凉拌秋葵💚秋葵烚到啱啱熟，唔会过老，仲系好爽脆，再加埋啲麻酱同埋芝麻，好香，食落又唔会咁单调！三色盐酥鸡💛盐酥鸡有几款酱汁，整得好靓，本身盐酥鸡已经炸得好脆，好松脆，啲鸡肉又够嫩滑，我好钟意点佢哋嘅蜜糖芥末汁，甜甜辣辣咁，仲好食！脏脏咸蛋黄芋泥蛋饼🩷依个蛋饼好吸睛，整得好好，摆碟好靓，蛋饼入边系满满嘅芋泥，好绵滑嘅口感，加埋面头有啲紫薯粉同埋咸蛋黄碎，咸咸地甜甜地，反而都几夹，超好食！饮品🤎我哋叫咗几杯饮品，啲果汁都好饮，鲜凤梨梳打有啲气，亦都有啲凤梨嘅果肉喺度，另外百香果绿茶都唔会太甜，仲有珍珠奶茶都大大杯，又唔会甜到糖尿，珍珠较烟，奶茶调配得好好！