朝

营业中

休息中

因为暂时仲未去到旅行，我又好钟意食日本嘢，所以上星期同老公去咗太子一间居酒屋，地点好方便，太子地铁站一出再行两三分钟左右就到，门面同埋入边嘅装修都好有日本居酒屋特色，真系好似去咗一转日本咁呀😍我哋先叫咗个软壳蟹沙律，软壳蟹好香脆，而且冇油溢味，加埋明太子dressing，沙律菜全部挂满酱汁，微辣好开胃。赤背刺身 都好新鲜，一啲都唔腥仲好鲜甜。食日本嘢点可以少咗最钟意嘅玉子烧？叫咗个 #朝恶邪玉子烧 ，真系好邪恶，入边满满芝士，但浓而不腻，而且仲好有蛋香，再加埋卜卜脆蟹籽，口感味道都满分💯和牛牛汤乌冬 我都好推介，和牛肉片嚟到嘅时候仲系生生地，浸咗热汤之后就啱啱好熟，超嫩滑又唔会觉得油腻👍🏼我哋仲叫咗好多烧物，盐烧虎虾 好大只鲜甜，烧味噌猪肠串 好入味好有咬口，呢个我都几钟意，邪恶鸡肉棒 真系好邪恶，因为真系好芝士好芝士，超正。仲有 豚肉紫苏卷 同埋 月见鸡肉棒 都好好味，肉质嫩滑，烧得好香，推介大家一定要试呢度嘅烧物啊！