新沙洞澡堂 (已結業)

本身谂住去一间都系长沙湾，最近重新装修嘅cafe，已经特登提早去，只系比佢开门时间迟咗15分钟去到姐，已经好多人系门口排哂队🫠 因为想影下啲环境相但系咁多人真系冇办法影，唯有临时转地点，醒起呢间舖头都系长沙湾附近，我之前好早就有谂过去不过都系唔记得咗，今次记得就今次去啦🤣！呢间有段时间都几出名，主题几特别，以韩式澡堂为蓝本去装修～有好多打卡位📸岩哂钟意影相既女仔去🥰✎ 泡菜猪肉拌饭 小菜有辣辣地、又有少少咸嘅腌制萝卜条同类似小黑豆嘅食材，另外仲有一细碗韩国嘅甜辣酱。个饭入面有芽菜、菠菜、紫菜、猪肉同泡菜，呢几款菜都几爽口，几新鲜，泡菜小小辣，而饭粒粒分明，都有咬口、弹性烟靭，猪肉食落小小湿润，易入口！✎ 泡菜豆腐年糕汤 汤够辣，但系辣得黎好似有少少苦味🤔豆腐唔系滑豆腐，系表皮有少少鞋个种，个人钟意滑身啲。年糕薄切，个份量都几多。反而整体个汤嘅材料有啲少，唔够一个午餐份量😂食唔饱，加个辛辣面就差唔多🤣✎ 冻榛子鲜奶咖啡 几多冰下，唔浓唔淡既榛子味。✎ 玫瑰梳打特饮 淡淡花香，加梳打味，整体味道清甜。