野玩海店 (已結業)

太子始创地库开左新店，拉埋肥仔去食先！知道野玩系列：野玩山店、野玩田店、野玩海店，呢间海店蓝色的设计，好有夏日 Feel！天花又挂左好多块滑浪板，给人一种置身于海滩的感觉。逢星期四、五晚上8时左右仲有live band架!一点餐后就有蒜蓉包食小食点左炸软壳蟹$78 一共有四只，炸到表面呈金黄色恰到好处，唔会好多炸份，外脆内软，卖相又吸引又足料。香辣波士顿龙虾扁意大利面 $198推介！波士顿龙虾大过手掌！拆开半边龙虾肉，意粉既香辣汁完全渗入了龙虾肉，入口弹牙，好香浓又唔辣，成个虾钳入面仲劲多肉！好正！美国安格斯T骨牛扒12安士黑椒汁$208味道：虽然系T骨，仲都有少少脂肪，令到肉质更有口感。好足份量，好有厚度。5成熟冇血水，配菜仲有大量豆角、粟米，同薯条，价钱合理！野玩新地 $98 选用Movenpick雪糕，一共有３大球，云呢拿味、朱古力味、士多啤梨味，面头放满香蕉片士多啤梨片，仲有野莓同蓝莓，卖相吸引足料！３大球雪糕都唔止$98啦!仲点左杯酒饮tim, 好似pina colada 咁~overall个环境真系100分,但可能系食seafood多既关系，价钱系中上，仲有生蚝食tim架！