Bingo & Cook

营业中

休息中

韩国餐厅一向都系香港人至爱，今次嚟到朗豪坊新开嘅Bingo and Cook, 净系睇装修摆设已经充满诚意，绝对有置身首尔之中。再睇睇餐牌，韩国地道小食都包罗万有，立即先点两杯韩式冻饮，同埋小食先。冻蜜桃茶同埋青提子碳酸水都非常清新，果味香浓，带有微微甜味，仲可以开胃醒神；而炸虾紫菜包饭都即叫即做，金黄香脆嘅大虾肉身饱满，连埋紫菜同埋其他配料，感觉丰盛。接连两个主菜都同样出色﹐韩国名物生菜包肉震撼登场，五花猪腩肉密铺喺碟上，肉质包满，加埋韩国配料及酱汁，放入清新嘅生菜之中，满足感爆灯。而压轴就有呢个吸睛抢眼海鲜参鸡锅，净系上台都要两个炉预热，可见份量有几十足！原只参鸡放喺中间，鲍鱼、原只鱿鱼、蟹、青口、扇贝、蚬肉共冶一炉，试问个汤底仲点会唔吸引？店员仲非常之友善好客，会主动帮手处理食材，呢点更加要加分。