哥登堡餐廳

营业中

休息中

屋企人带我去哥登堡 佢话以前读书lunch去食 好想食番餐怀缅下 😄哥登堡好似花园餐厅莎乐美𠮶类港式扒房地方唔算好大,入到去男侍应反应都好快带位。价钱都几抵,一个牛扒餐百六蚊左右啦连埋罗宋汤面包嘢饮少少甜品。两个人食total $330左右我哋叫咗两个牛扒餐, 两个都系5成熟 ,一个黑椒汁一个蒜蓉汁。另加五蚊可以加个细意粉。我要𠮶个黑椒牛扒五成熟, 的确系五成熟左右, 如果百几蚊一个扒嚟讲, 块牛扒已经超出应有水平😊 起码有啲味同埋唔系淋滋滋。(好不幸屋企人𠮶块五成熟嘅蒜蓉牛扒走失咗手煮咗well done, 有啲鞋同埋干 🤡🤡)二人餐另外送个沙律或者田螺, 送嘅冇乜要求,但都算有啲卖相。另外我觉得佢啲罗宋汤几好饮呀 ! 都几足料同埋好香浓! 饮品方面可以转饮红豆冰同埋杂果宾治!👍🏻整体嚟讲几有风味, 侍应都好亲切 , 价钱好公道。